| e-texts navigator |
| Wylie |
238b1 ནོར་མཆོག་འཕྲོག་པའི་དགྲ།། ཐབས་ལ་མཁས་པའི་བློ་གྲོས་ཀྱི།། སྐྱོན་གྱི་དགྲ་བཞི་བཟློག་པར་བྱ།། སྲིད་གསུམ་སྣང་བའི་ཞིང་འདི་དག། རྣམ་དག་ཞིང་དུ་ངེས་པ་སྟེ།། ས་རྣམས་ཅིག་ཅར་ངེས་པ་སྟེ།། ཞིང་རྣམས
238b2 དམ་པའི་མཆོག་ཡིན་ནོ།། འདོད་སྤྱོད་མཆོད་པའི་ཚོགས་འདི་དག། ཡོ་བྱད་ཆེན་པོའི་མཆོག་ཡིན་ཏེ།། དགོངས་པ་དམ་པ་ཀུན་མཉེས་པའི།། རྨད་དུ་བྱུང་བའི་མཆོད་པའོ།། འཁོར་བ་དུར་ཁྲོད་གནས་འདི་དག།
238b3 བདེ་བ་ཆེན་པོ་གནས་ཡིན་ཏེ།། མ་ནོར་མ་བཅོས་ཆོས་ཀྱི་དབྱིངས།། རྩོལ་མེད་ལྷུན་གྱིས་གྲུབ་པའི་སའོ།། ཀུན་གྱི་རྩ་བ་དུག་ཆེན་ལྔ།། ཡེ་ཤེས་ཆེན་པོ་ལྔ་ཉིད་དེ།། ཀུན་ཤེས་རང་རིག་རང་བྱུང་བས།། རྣལ་འབྱོར
238b4 རང་རིག་མིག་ལྡན་པའོ།། ལང་ཀའི་བདག་པོ་འདི་དག་ནི།། དམ་ཚིག་གསང་བའི་མཆོག་ཡིན་ཏེ།། དམ་པས་གདམས་པའི་ཚིག་འདི་ལ།། གང་དག་ངེས་པའི་རྣལ་འབྱོར་ཡིན།། ཇི་ལྟར་ས་གཞི་གཤིན་པ་ལ།།
238b5 བརྟེན་ནས་ས་བོན་བཏབ་པ་ལས།། དམ་པ་ཁོ་ན་འཇུག་པར་འོས།། འུན་པས་གང་གི་དེ་ཉིད་ཀྱང་།། འུན་ཅིང་དམ་པའི་ཡུལ་ལ་འཇུག། ལང་ཀའི་བདག་པོ་ཇི་ལྟར་ན།། དེ་ཡང་ཇི་ལྟར་བུ་ཞེ་ན།། ཁོ་བོ་མཐོང་ཐོས
238b6 སྐབས་གཅིག་ན།། བདག་གི་བཤེས་གཉེན་དམ་པ་དེས།། འདུས་པ་ཕལ་པོ་ཆེ་དག་ལ།། ལམ་འདི་རྒྱ་ཆེར་བསྟན་པའི་ཚེ།། འཁོར་འདིར་འདུས་པར་གྱུར་པ་ཡི།། ལྷ་མོ་ཀླུ་མོ་རིགས་ངན་མོ།། བུ་མོ་དྲུག་གི་འཁོར
iiif viewer powered by OpenSeadragon
