| e-texts navigator |
| Wylie |
237b1 བར་བྱ་བ་མིན།། བུད་ཤིང་སྲེག་པའི་སྒྲོན་མ་དེ།། འཐོར་རླུང་དྲག་པོས་བསྐྱོད་མི་བྱ།། རྡོ་རྗེ་ཚིག་གི་ཆུ་རྒྱུན་དག། འོལ་དཀར་གཅད་པར་བྱ་བ་མིན།། རྒྱལ་པོ་བཀའ་རྟགས་ཕྱག་རྒྱ་དག་ནམ་ཞར་དབྱེ་བར་མི་བྱའོ།།
237b2 རྡོ་རྗེ་ཕ་ལམ་གཏམས་པའི་མཁར།། རྨང་ནས་བཟློག་པར་མི་བྱའོ།། གཙུག་གི་ཡིད་བཞིན་ནོར་བུ་དེ།། རྒྱལ་མཚན་རྩ་ལས་དཔོན་མི་བྱ།། རྣལ་འབྱོར་ཐབས་ཀྱི་ཁྱད་པར་ཅན།། རྩལ་ཅན་རྣམས་ཀྱི་དམ་ཚིག་སྟེ།།
237b3 སྐལ་ལྡན་དག་གི་ནོར་མཆོག་ཡིན།། རྒྱུན་དུ་སྦྱང་བའི་ནོར་མཆོག་ནི།། རྡོ་རྗེ་ལས་ཀྱི་བསམ་གཏན་དག། རྡོ་རྗེ་གོ་ཕུར་ཏྲོམ་ཆེན་གྱིས།། སྲོག་ལ་བར་ཆད་བྱེད་པའི་དགྲ། ཉོན་མོངས་ཐིབས་པོ་དེ་གཞོམ་བྱ།། སྙོམ
237b4 ལས་ལེ་ལོའི་གཞིར་གྱུར་པ།། ཐུགས་ཐུབ་ར་ཅོད་ང་རྒྱལ་རི།། དྲེགས་བྱེད་དང་པོ་ཉམས་པའི་བཅུད།། དཔའ་བྱེད་རྐྱེན་ཡང་བསྡམ་པར་བྱ།། ཐེག་ཆེན་གསང་སྔགས་མ་གཏོགས་པ།། མཚན་མ་གང་དག་བྱིས་པའི
237b5 ཚིག། ཟུར་ཡང་བརྗོད་པར་མི་བྱ་ཞིང་།། ཐམས་ཅད་དེ་ཉི་ཁོ་ནར་བྱ།། ཇི་ལྟར་གསད་པའི་མི་གང་དག། གཤེད་མ་མིས་ནི་གསོད་པའི་ཚེ།། ཐར་པའི་ཐབས་ལ་བརྩོན་པ་ལྟར།། ལེ་ལོ་དགྲ་བཅོམ་བརྩོན་པར་འབད།།
237b6 རྣལ་འབྱོར་སྒྲིབ་པའི་གགས་བསལ་བ།། དཀའ་ཐུབ་སྡོམ་པའི་མདུད་པ་ཅན།། འདོད་སྤྱོད་ཞེན་དང་མི་མཐུན་དང་།། གཅིག་ལ་གང་འདིར་མི་གཅིག་པ།། ཕྱི་ནང་ཅན་དང་གནོད་སྦྱོར་ཅན།། འདོད་མྱོས་བྱིང་རྨུགས
iiif viewer powered by OpenSeadragon
