| e-texts navigator |
| Wylie |
237a1 ན།། དེ་ནི་དབྱིག་གི་སྣོད་ཆེན་ཡིན།། དེ་ལྟར་དམ་པའི་སྡོམ་པ་ལ།། གནས་ནས་དུས་ཀྱི་སྐབས་དག་ཏུ།། བསྲུང་བྱ་ཐུབ་པར་བྱ་བ་ནི།། བརྟུལ་ཞུགས་སྤྱོད་པའི་དམ་ཚིག་དག། དམ་ཚིག་ཀུན་གྱི་ཐོག
237a2 མར་འགྲོ།། དོན་དུ་མི་འགྱུར་ཀུན་སྤངས་ནས།། ཀུན་དང་མཐུན་ཕྱིར་དེ་ལྟར་སྤྱད།། མི་ཤིག་པ་ནི་སེང་གེ་སྟེ།། གཅན་གཟན་རྒྱལ་པོ་ཡིན་པས་སོ།། ཟ་མ་ཏོག་ནི་རྒྱལ་པོའི་མཛོད།། དུག་སྦྱོར་བ་ནི་དེར་མི་རིགས།།
237a3 རིན་ཆེན་མྱུ་གུའི་ལྕུག་ཕྲན་དག། བྲེགས་ཏེ་བྱུང་རྒྱུན་གཅད་མ་ཡིན།། གངས་ཀྱི་ཞུན་ཆུ་ཕན་པ་ཡང་།། མཁས་པས་བཏུང་བར་མི་བྱའོ།། པདྨའི་ཟེ་འབྲུ་ཁ་མི་དབྱེ།། ཟླ་ཟེར་མ་ཡིན་དབྱེ་མི་བྱ།། མ་བརྟགས་བུག་རྡོལ
237a4 ཅན་སྣོད་དུ།། བདུད་རྩི་སྨན་བླུགས་ཟག་པར་འགྱུར།། དོན་མེད་བཅོས་མའི་ཚུལ་རྟགས་ཅན།། བསྲེལ་ཞིང་སྤྱད་པར་བྱ་བ་མིན།། ཤེལ་དཀར་རིན་ཆེན་སྒོ་ང་དག། འདམ་ཁུང་རྫབ་ཏུ་བསྒྲུབ་མི་བྱ།། སེང་གེ་དཀར
237a5 མོའི་འོ་མ་དག། གསེར་སྣོད་མ་ཡིན་བླུགས་མི་བྱ།། ཡིད་བཞིན་ནོར་བུ་རིན་པོ་ཆེ།། བསྲེག་པར་བྱ་བ་ཡང་མ་ཡིན། ཁྲུང་ཆེན་གཤོག་པ་མཁར་བརྐྱང་བ།། དེ་དག་གཅག་པར་བྱ་བ་མིན།། གནམ་ལྕགས་མེ་ཡི་དུར
237a6 མོ་དག། བརྡབ་པར་བྱ་བ་མ་ཡིན་ནོ།། སྟག་སེང་རོལ་པ་ལས་བྱས་པའི།། ལས་ཀྱི་རྗེས་ལ་བཟླས་མི་བྱ།། རྡོ་རྗེ་བྲལ་ཆེན་གཏམས་པའི་གཞི།། གཞིག་པར་བྱ་བ་ག་ལ་ཡིན།། རྡོ་རྗེ་ར་བའི་རེ་ག་དེ།། བསྡམ་བྱ་དྲལ
iiif viewer powered by OpenSeadragon
