| e-texts navigator |
| Wylie |
236b1 བའི་གྲུ།། དེ་བཞིན་དངོས་གྲུབ་དམ་པ་ཡིན།། དམ་ཚིག་གྲོགས་ཀྱི་མཆོག་ཡིན་ཏེ།། དམ་ཚིག་ལོང་བའི་དམིགས་བུ་ཡིན།། གཞན་སྡེ་འཇོམས་པའི་དམག་དཔུང་ཡིན།། འཁོར་བའི་གཡུལ་ལས་རྒྱལ་བར་བྱེད།།
236b2 དེས་ན་དམ་པའི་གཏན་ཚིགས་ཡིན།། ཅི་ནས་གང་གི་སྒོ་གསུམ་པོ།། དག་པ་གསུམ་གྱི་མཐའ་བཟུང་ནས།། གང་འདིར་དབང་བཞི་སུན་མི་འབྱུང་།། སྒོ་གསུམ་མི་གནོད་དང་བཅས་གཟུང་།། ཡོངས་སུ་མ་ཉམས་མདོ
236b3 བཞིའོ།། མཐར་ཕྱིན་རྒྱ་རྟགས་རྣམ་བཞི་བཅས།། མདོ་དྲན་པ་ལ་བགྲང་ཞིང་བསྔོ།། འདུལ་བའི་རྒྱུན་ལྡན་ཐ་ཚིག་ཅན།། མོས་པ་ཆུང་བའི་བུ་རྣམས་ཀྱིས།། ཕྲ་མོའི་ཕྲ་མོ་ཕྲ་ཡན་ཆད།། ནན་ཏན་གྱིས་ནི་བསྲུང་བར་བྱ།།
236b4 སྐུ་དང་གསུང་ཐུགས་རྡོ་རྗེ་ཡི།། གསུང་དང་སྤྱོད་དང་ཡིད་འོང་དང་།། མི་འདོར་ཤེས་བྱ་གྲུབ་པ་དང་།། མེད་དང་ཕྱལ་བ་གཅིག་པོ་དང་།། ལྷུན་གྱིས་གྲུབ་པ་རྣམ་པ་བཅུ།། ལྟ་བ་འདི་ལས་འབུམ་ཕྲག་འབྱུང་།། རྣལ
236b5 འབྱོར་རྣལ་འབྱོར་ཐམས་ཅད་ཀྱི།། སྤྱད་པར་བྱ་ཡི་ནོར་མཆོག་ཡིན།། རྣལ་འབྱོར་དམ་པའི་རིགས་རྒྱུད་ལས།། ངེས་པར་བརྟགས་ཏེ་སྤྱོད་པའི་བུ།། ཟམ་མོར་རྫོགས་མཆོག་བདེ་བ་ཡི།། བློ་ལ་ངེས་པའི་ལུང་འདི
236b6 བསྟན།། འདི་ཡི་སྔོན་འགྲོ་དམ་ཚིག་སྟེ།། ཟབ་མོ་ལ་སོགས་ཀུན་སྔོན་དུ།། རྡོ་རྗེ་ཐ་ཚིག་དྲག་པོ་ཡི།། གཅན་འཕྲང་ལམ་རྣམས་བསྲུང་བའི་ཕྱིར།། སྤྱི་དང་ཁྱད་པར་དམ་ཚིག་རྣམས།། ངེས་པའི་དོན་གྱིས་བཙན་རེད
iiif viewer powered by OpenSeadragon
