| e-texts navigator |
| Wylie |
235b1 དེ་དག་ལ།། དུག་འཕེལ་གྱུར་ན་འཆི་ཕྱིར་རོ།། གང་དག་ཉམས་འགྱུར་དུག་ཅན་དེ།། བརྟུལ་ཞུགས་ཅན་གྱི་རྣལ་འབྱོར་པས།། གནས་སམ་ལོ་ཡིས་ཞུགས་ཏེ་སྤངས།། གང་དག་མི་སྤོང་མགོན་བྱེད་པ།། དེ་དག
235b2 གསང་བའི་དམ་སྲི་ཡིན།། དོན་ལ་རྣལ་འབྱོར་གང་ཞིག་གིས།། ཐ་ཚིག་ཟབ་མོར་བཅས་རྣམས་ལ།། བསྲུང་བའི་བསམ་པ་མི་གཡོ་བཞིན།། རྩ་བ་ཡན་ལག་བཅས་རྣམས་ལ།། གལ་ཏེ་མ་ཚོར་ཞིག་འགྱུར་ཡང་།།
235b3 རྣམ་སྨིན་ཡོད་ཀྱང་རྩ་མི་ཉམས།། ཇི་ལྟར་གླང་པོ་ཨེ་ན་ཡ།། ཤི་ནས་རོར་ནི་གྱུར་མོད་ཀྱང་།། གི་ཝང་རྩིས་ནི་དོན་བྱེད་ལྟར།། རྣལ་འབྱོར་ཉམས་ཏེ་རོར་གྱུར་ཀྱང་།། གཞན་གྱི་དམ་པར་དེ་འགྱུར་ཞིང་།། དེ་ཡི་དོན
235b4 བྱེད་ནུས་པ་ཡིན།། དེ་ལྟར་མོད་ཀྱང་འདི་ཀུན་རྣམས།། རྨི་ལམ་དུ་ཡང་མཐོང་མི་བྱ།། ཅི་ཕྱིར་འོ་མ་ཉུང་ངུ་ཞིག། རུལ་བས་འོ་མ་ཀུན་རུལ་བཞིན།། རྣལ་འབྱོར་ཉམས་འགྱུར་གཅིག་གིས་ནི།། རྣལ་འབྱོར་ཅན་ཀུན
235b5 མ་རུངས་འགྱུར།། འཁོར་བའི་གཡུལ་རྒྱལ་བྱེད་པ་ཡི།། ལོག་པའི་རྣལ་འབྱོར་ཐམས་ཅད་ཀུན།། དོན་དམ་ངེས་པའི་རྣལ་འབྱོར་པས།། ཐམས་ཅད་བསྒྲིམས་ཏེ་སྤང་བར་བྱ།། གལ་ཏེ་མ་སྤངས་ལོག་སྤྱོད་ན།།
235b6 འཁོར་བའི་གཡུལ་ནི་རྒྱལ་འགྱུར་ཏེ།། བདེན་པའི་བྱིན་བརླབས་མཐུ་ཆུང་འགྱུར།། ཀུན་ཀྱང་དགེ་སྐད་དོན་ཆུང་ཞེས།། ཡང་དག་དོན་ལ་ཡིད་འབྱུང་ཞིང་།། ལོག་པའི་ཆོས་ལ་གཞོལ་བར་འགྱུར།། ཀུན་གྱི་ལོག་པའི
iiif viewer powered by OpenSeadragon
