| e-texts navigator |
| Wylie |
234b1 དམ་ཚིག་སྤྲེའུ་ལྟར་སྤྱོད་བཞིན་དུ།། བྱང་ཆུབ་སྙིང་པོ་ཐོབ་པ་ཡི།། སངས་རྒྱས་ནམ་ཡང་མི་འབྱུང་ངོ་།། འབྱུང་བར་ཡང་དག་ངས་མ་མཐོང་།། རྒྱལ་བའི་སྲས་གྱུར་རྣལ་འབྱོར་པ།། ལམ་སྟོན་སྐྱོན་སེལ་མཁས་པ་ལ།།
234b2 གང་དག་ཁ་ཅིག་དྲེགས་དབང་གིས།། དེ་སྤོང་ཐབས་ཀྱིས་དེ་དམར་བྱེད།། དེ་ནི་འཁོར་བའི་གཏིང་རྡོ་སྟེ།། ནམས་ཀྱང་ཐར་པའི་ཁར་མི་འབྱུང་།། མི་ཤེས་རྨོངས་པའི་རྣལ་འབྱོར་པ།། ཡང་དག་དམ་པར་ངེས་འགྲོ
234b3 བའི།། རྗེས་སུ་འགྲོ་བར་མི་བྱེད་ཅིང་།། ཟང་ཟིང་འདོད་པར་གང་ལྟ་བའི།། རྗེས་སུ་འགྲོ་ཞིང་དེར་འདུན་བྱེད།། དེ་ནི་ལོག་པའི་ལམ་པ་ཡིན།། རྣལ་འབྱོར་ལྟ་དང་བྱང་ཆུབ་ཁེ།། འབན་ཟག་ཆད་པར་བློ་མི་འབྱུང་།།
234b4 ཟང་ཟིང་འདོད་དང་གཡོ་སྤྲུལ་ཁེ།། ཆུང་ངུའང་ཅི་སྒྲུབ་སྲོག་དང་སྔོ།། རྣལ་འབྱོར་དམ་པའི་རང་བཞིན་ཅན།། བུམ་སྣོད་ནང་གི་སྒྲོན་མ་ལྟར།། རིག་པ་མཛོད་ཀྱི་དོན་ལྡན་ཡང་།། སྲོག་ཆགས་རྐུན་པོའི་སྡེར་མོ་ལྟར།།
234b5 ཁོང་ནས་གང་སྦས་དོན་སྟོན་ལ།། གང་འདིར་བླུལ་པོས་ཅིར་མི་མཐོང་།། དཔེར་ན་འདི་འདྲ་ཚུལ་གཅིག་སྟེ།། གང་གི་ཡུལ་ལ་གཏེར་འཆང་མི།། བླུན་པོར་གྱུར་པའི་མི་དག་གཉིས།། གནས་གཅིག་གཉིས་མཚུངས
234b6 ཁྱད་མེད་འདྲ།། གསང་འདི་སྔགས་པ་རྗོད་བྱེད་ཅིང་།། གསང་བ་དོན་དུ་གཉེར་བ་མེད།། ཏིང་འཛིན་བསྔགས་པ་རྗོད་བྱེད་ཅིང་།། ཏིང་འཛིན་དོན་དུ་གཉེར་བ་མེད།། ཡང་དག་བསྔགས་པ་རྗོད་བྱེད་ཅིང་།། ཡང་དག
iiif viewer powered by OpenSeadragon
