| e-texts navigator |
| Wylie |
233b1 དང་ཐེག་དམན་དང་།། ལོག་སྲེག་ལོ་ལ་ཕྱོགས་ལ་ཞེན།། དད་མེད་བློ་ཞན་གཡེང་རྨུགས་ཤིང་།། གང་ལ་མི་བརྩོན་མུན་པར་མཚུངས།། འདི་ལོག་དམ་ཉམས་འདི་ལས་ལོག། བྱང་ཆུབ་ཐག་པ་གཏིང་ནས་ཆད།།
233b2 སེམས་ཀྱི་མྱུ་གུ་རྩ་ཚིག་པ།། ངན་འགྲོའི་འདམ་དུ་ཁ་སྒྲུབ་ཡིན།། གསང་བའི་དོན་རྣམས་སྒྲར་སྨྲ་ཡང་།། གབ་པའི་གསང་བ་འདི་མི་ཤེས།། གཡོན་ཅན་ཤེས་རློམ་གྲོགས་རྣམས་ལ།། གསང་བར་འོས་པ་ལྷག་པར་སྨྲ།།
233b3 ཡན་ལག་རྣམ་བཞི་དེ་ཉིད་ལ། སྒྲ་ཐོས་དོན་མེད་ཉམས་མི་ལེན།། གང་གིས་གང་གཏད་མི་ཐུབ་པ།། བཅུད་མེད་འཁོར་བར་ཟག་པ་ཡིན།། ལྷ་དང་དམ་ཚིག་སྤྱོད་པ་ཡི།། དམ་པའི་མཛོད་གསུམ་སྒྲར་སྨྲ་ཡང་།། ཞེན
233b4 པའི་མཐའ་མེད་གནས་མ་གྱུར།། གཡོ་སྒྱུ་ཕྲག་དོག་སེར་སྣས་གདུངས།། བྱ་མེད་ཆོས་ལ་ངེས་འཛིན་ཅིང་།། དེ་ལ་དེ་ཉིད་དེ་མེད་པར།། རྣལ་འབྱོར་ཅན་ལ་དམན་ཟེར་བ།། དམ་པ་ཕམ་འགྱུར་འཁོར་བར་འབོ།།
233b5 ཚུལ་རྟོགས་ཚོད་ལེན་ཁྱད་ཚིག་འདྲེན། ཁ་གསག་ལྕེ་གཉིས་སྦྱར་བྱེད་ཅིང་།། གང་ལ་དམོད་རྨོངས་དམ་ཅན་ཏེ།། ཚེ་གཅིག་དྲེགས་པའི་ཆེད་ཕྱིར་རུང་།། རྐུ་གཡོ་སྤུ་ལྡན་སྐུ་འདྲིད་པ།། ཟང་ཟིང་ཕྱིར་འབྲིང་ཚིག་ལ
233b6 དགའ།། རློམ་སེམས་བརྗོད་འདོད་ཚུལ་འཆོས་པ།། ལོག་སྒྲ་དུག་ཅན་ཐ་མར་ལྟུང་།། འདི་ལྟར་ཕམ་འགྱུར་སྣོད་ངན་ལ།། གསང་ཆེན་གསང་བ་དེ་ཁོ་ན།། ཟབ་ཅིང་གཏིང་དཔག་དཀའ་བས་ན།། བསྟན་ཀྱང
iiif viewer powered by OpenSeadragon
