| e-texts navigator |
| Wylie |
233a1 འདུ་བར་བྱའོ།། ལ་དོར་བར་བྱའོ།། ས་གཅད་པར་བྱའོ།། ཉམས་རྙེད་པར་བྱའོ།། ཚེགས་ཆུང་བར་བྱའོ།། མདོ་གཅིག་ཏུ་བྱའོ།། ལང་ཀའི་བདག་པོ་དེ་ལ་ཆོས་ཐམས་ཅད་ཀྱི་གཞི་ནི་དམ་ཚིག་ཡིན
233a2 པར་ཤེས་པར་བྱའོ།། དམ་ཚིག་གནས་ནི་འདི་ལྟ་སྟེ།། བསྲུང་བྱ་བསྲུང་དུ་མེད་པ་ནི།། ཆོས་ཉིད་དམ་ཚིག་དམ་པ་ཡིན།། ཀུན་ཀྱང་དམ་པ་ཉིད་ཡིན་པས།། གང་ལའང་འགལ་བར་མི་བྱའོ།། སུ་ལ་དམ་པ་འདི
233a3 གནས་པ།། རིག་འཛིན་དམ་པའི་ས་པ་ཡིན།། བསྲུང་བར་བྱ་བའི་ཡུལ་རྣམས་ལ།། སྐུར་གསོག་གཡོ་མེད་དམ་པ་ཉིད།། ཟབ་སངས་རྒྱ་ཆེ་དམ་པ་འདིར།། འདི་སྐད་འགྲུགས་པའི་ཚུལ་ཁྲིམས་དང་།། རྟོག་པའི་བྱ་བ
233a4 ཇི་སྙེད་པར།། ཀུན་འདིར་དམ་བསྲུངས་རྣམ་པར་དག། དམ་ཚིག་འདི་ནི་རྨད་པོ་ཆེ།། ཀུན་གྱི་ཐུན་མོང་མ་ཡིན་ཕྱིར།། མོས་པ་ཆུང་ངུ་ཐམས་ཅད་ལ།། བསྲུང་བའི་མཚམས་དག་གཟུང་བར་བྱའོ།། ཐེག་ཆེན་ཡོངས་སུ
233a5 གསང་བ་དག། སྣོད་མ་ཡིན་པར་གྱུར་པ་ལ།། ཕྱི་དང་ནང་དང་གསང་བ་ཡི།། སྦ་བའི་ཐབས་སུ་བསྲུང་བར་བྱ།། བསྟན་པའི་གནས་མིན་སྣོད་གང་དག། རྣམ་པ་བཞིས་བསྡུས་བྱེ་བྲག་རྣམས།། མ་འོངས་རབ་འབྱོར
233a6 དམ་པ་ཡིས།། བརྟགས་ནས་གསང་བ་བྱ་ཕྱིར་བཤད།། གསང་ཆེན་ཡིད་བཞིན་ནོར་བུ་འདི།། སྐྱོན་ཡོད་ཉེས་པ་མ་ཡིན་ཏེ།། བློ་ཆུང་རྣམས་ལ་ཕན་དོན་དུ།། ཐུགས་རྗེ་ཐབས་ཀྱིས་ཤིན་ཏུ་གསང་།། འཇིག་རྟེན་པ
iiif viewer powered by OpenSeadragon
