| e-texts navigator |
| Wylie |
232a1 པར།། ཡེ་ནས་སྟོང་ཉིད་རྟོགས་རྟོག་མེད་པ།། ཡིན་པར་ངེས་པ་དེ་ཁོ་ནའོ།། དེ་དག་ཅི་ཕྱིར་རྩི་ཞེ་ན།། རྣལ་འབྱོར་ནང་ནི་རྣམ་རྟོག་སྟེ།། རྟག་པར་འཁོར་བའི་གཏིང་མཐར་འཆི།། རྟོག་པའི་རྩ་བ་ཕྱི
232a2 ནང་གི། ཀུན་ནས་ཟག་པ་རྣམ་ལྔ་ཡིན།། དེ་ཀུན་དེ་བཞིན་ཉིད་སྟོང་དུ།། རྟོག་བྲལ་མུ་མཐའ་མེད་འབྱུང་བས།། ནད་གསོ་ཤི་བ་སློང་བའོ།། དམ་པ་མཆོག་ངེས་དེ་བླན་པས།། མཚན་མར་ཞེས་ལས་དེ་འགྲོལ་ཏེ།། དེ
232a3 ཉིད་དེར་ངེས་རྙེད་གཞན་མིན།། དེ་ཉིད་ཆེ་མཆོག་སྨན་པར་འགྱུར།། ལང་ཀའི་བདག་པོ་དེ་དག་ནི་ནད་གསོ་བར་བྱའོ་ཞེས་ངེས་པར་ཐོས་པ་རྣམ་པར་བགྲོས་པ་སྟེ་འདི་ལྟར་ངེས་པར་ཤེས་པར་བྱའོ།། གསང་བ་པའི
232a4 བདག་པོས་དེ་སྐད་ཅེས་སྨྲས་པས།། ལང་ཀའི་བདག་པོ་ལ་སོགས་པ་དམན་པ་དམ་པ་རྣམས་མཚན་མའི་རྟོག་པ་ལས་ཡོངས་སུ་གྲོལ་བར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རང
232a5 འབྱུང་བདུད་རྩིའི་ལེའུ་སྟེ་དྲུག་ཅུ་ལྔ་པའོ།། །། བམ་པོ་བཅུ་པ་སྟེ་ཐ་མར་ཟུག་པ། དེ་ན་ཡང་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཀྱིས་གསང་བ་པའི་བདག་པོ་ལ་གསོལ་པ།
232a6 ཀྱེ་གསང་བ་པའི་བདག་པོ་ཉིད་ཀྱི་རྒྱ་ཆེར་བགྲོས་པའི་གསང་བ་དམ་པ་འདི་ཇི་སྐད་དུ་བརྗོད་པར་བགྱི།། མདོ་ནི་གང་དུ་འདུས་པ་ལགས། དེ་སྐད་ཅེས་གསོལ་པ་ལས། གསང་བ་པའི་བདག་པོས་སྨྲས་པ།། ཀྱེ་ལང
iiif viewer powered by OpenSeadragon
