| e-texts navigator |
| Wylie |
231b1 དམ་པར་བཟུང་བ་ན།། སྔོན་གྱི་དམ་ཚིག་ཡིན་པར་གྲགས།། དེ་ལ་དམ་པས་འདི་སྐད་དུ།། སངས་རྒྱས་དམ་ཚིག་ཡིན་ངེས་ན།། དང་པོ་ནས་བཟུང་རྫོགས་པར་དུ།། དེ་དང་མི་འབྲེལ་ལྡན་དགོས་ན།། ཟག་རྒྱུན་ཆད
231b2 ན་འབྲལ་འགྱུར་འགལ།། དེ་ལ་ཀ་ལས་འདི་སྐད་དུ།། བདག་དེ་ལྟར་པར་འགྱུར་བ་ཡིས།། ཟག་པ་དེ་ཡང་རྟག་པ་སྟེ།། ཀུན་ལས་ཀུན་དུ་མི་འབྲལ་ཞིང་།། ཟད་ནས་བྲལ་བ་ལ་ག་ཡོད།། དེ་ལ་དམ་པས་འདི་སྐད
231b3 དུ།། ཕྱི་དང་ནང་གི་ཟག་པ་རྣམས།། ཐམས་ཅད་ཐམས་ཅད་ཀུན་ཟད་པས།། ས་དང་རྣམ་ཐར་ལས་རྣམས་ལྟར།། ཅི་སྨོས་ཀུན་སྣང་ཟག་ལམ་ཟད།། དེ་ལ་ཀ་ལས་འདི་སྐད་དུ།། ཇི་ལྟར་གལ་ཏེ་དེ་ལྟར་ན།། འགལ
231b4 བ་ཉིད་དུ་ཡིན་ཟིན་ན།། ཐམས་ཅད་མཉམ་པར་འཆེས་པ་རྣམས།། མཉམ་པ་ཉིད་དུ་མི་འགལ་ལམ།། དེ་ལ་དམ་པས་འདི་སྐད་དུ།། ཀུན་དུ་མ་འདྲེས་མི་ཤེས་པར།། བཟང་པོའི་ཚིག་ལ་བློ་གཏོད་ཅིང་།། ཀུན་ཏུ
231b5 བཟང་པོར་ཁས་འཆེས་པ།། མུན་པའི་སྐྱེ་མཆེད་ཉིད་དུ་འགྱུར།། ཡོངས་སུ་རྫོགས་པར་ཀུན་མཉམ་ཡང་། མ་འདྲེས་པར་ཡང་ཀུན་ཏུ་སྣང་།། ཡོངས་རྫོགས་དོན་དུ་མ་མཐོང་བར།། རྫོགས་སྤྱོད་ལོག་པའི་ལམ་པ
231b6 ཡིན།། གསང་ཆེན་ཐེག་པའི་ཚིག་དང་སྒྲ།། གཅིག་ལ་མི་གཅིག་སོ་སོར་སྣང་།། ངོ་བོ་ཉིད་ཀྱིས་རྣམ་པར་ཕྱེ།། གང་ཉིད་ངེས་པར་གྲོལ་བར་སྣང་།། ངེས་པ་ཟག་འབྱུང་རྩར་འདོད་ན།། དེ་དག་དེ་བཞིན་མ་བཅོས
iiif viewer powered by OpenSeadragon
