| e-texts navigator |
| Wylie |
230b1 གསུམ་ཟ་མ་ཏོག་ནང་དུ།། སྲིད་གསུམ་སེམས་ཅན་དུག་ཆེན་རྣམས།། དུས་གསུམ་སངས་རྒྱས་རྩི་སྦྱར་བས།། རང་འབྱུང་བདུད་རྩིའི་དཀྱིལ་འཁོར་རྫོགས།། དེ་སྐད་ངེས་པར་གསུང་པ་ལས།། ནག་པོ་ཀ་ལས་དོན
230b2 གསོལ་པ།། རང་བཞིན་སྣང་བའི་ལུས་འདི་ལས།། ཡོ་བྱད་ཆེན་པོ་ལྔ་བྱུང་བ།། དུག་ལྔ་སེལ་བའི་བདུད་རྩི་སྟེ།། དྲང་སྲོང་རྣམས་ཀྱི་སྨན་གྱི་མཆོག། དེ་སྐད་ངེས་པར་འདུན་པ་ལས།། སྨན་པ་དམ་པས་འདི་སྐད
230b3 གསུངས།། རང་བྱུང་གདོད་ནས་དག་པ་སྟེ།། རྩ་བརྒྱད་སྟོང་ལ་སྦྱར་བའི་སྨན།། རིགས་ལྔ་དམ་ཚིག་ལྔ་ཡི་དངོས།། ཡེ་ཤེས་ལྔ་རྫོགས་གྲུབ་པའི་རྫས།། རྒྱུད་ལྔའི་སེམས་ཅན་ཀུན་སྒྲོན་ཕྱིར།། དུག་ལྔ་སེལ་བའི
230b4 བདུད་རྩི་མཆོག། དེ་སྐད་ཅེས་གསུང་ནས་གང་མི་གསུང་བར་བཞུགས་སོ།། དེ་ནས་ལ་ཀ་ལ་ནག་པོས་ཡང་གསོལ་པ།། རང་ལས་བྱུང་བས་གཞན་བྱུང་མིན།། དངས་སྙིངས་ཁོ་ནར་ཟད་པས་དག། རྩ་བ་བརྒྱད་དང
230b5 ཡན་ལག་སྟོང་།། ཉིས་སྦྱར་ལྔ་དག་རྫོགས་པར་འགྱུར།། དེ་སྐད་ཞུ་བ་འདུན་པ་ལས།། འཁོར་དེར་འདུས་པར་གྱུར་པའི་སྲས།། བློ་གྲོས་ཐབས་ལྡན་ཁྱོད་ཉིད་ཀྱིས།། ཞེན་པ་འགྲོལ་བའི་ཐབས་འདི་སྨྲས།། ཟག་པ
230b6 ཕྱི་མ་རྫས་ལྔ་པོ།། འབྱུང་བ་དང་ནི་ཟས་ཁམས་ཀྱི།། རྒྱུན་གྱི་རྒྱུ་ལས་བྱུང་བས་ན།། རང་ལས་མ་བྱུང་གཞན་འབྱུང་ཡིན།། གྲོགས་པོ་དམ་པས་དེ་སྨྲས་པས།། ཀ་ལ་ནག་པོས་ཡང་སྨྲས་པ།། ཇི་ལྟར་གལ་ཏེ་དེ་ལྟར
iiif viewer powered by OpenSeadragon
