| e-texts navigator |
| Wylie |
22b1 གཅིག་པུའི་སངས་རྒྱས་ཀྱི་ཞིང་ན་བཞུགས་པའི་མཚན་ཉིད་ཀྱི་མཐའ་ཡང་མི་དམིགས་སོ།། དེ་བཞིན་དུ་ཕྱོགས་བཅུ་ཐམས་ཅད་ཀྱི་སངས་རྒྱས་ཀྱི་ཞིང་ན་འཁོད་པའི་སེམས་ཅན་རྣམས་བརྗོད་ཀྱིས་མི་ལང་པའི
22b2 བསྐལ་པར་སྨྲས་ཀྱང་མཚན་གྱི་མཐའ་ནི་མ་རྫོགས་སོ།། ཇི་ལྟར་སེམས་ཅན་མོས་པ་ཆུང་ངུ་རྣམས་ཀྱིས་རྡོ་རྗེ་སེམས་དཔའི་ཞིང་ཁམས་ཚད་མེད་པ་དེ་མཚན་མཐའ་ཡས་པ་ཐོས་ན་བློ་ག་ཆད་པ་དང་མྱོས་པར་འགྱུར
22b3 རོ།། ཇི་ལྟར་རྡོ་རྗེ་སེམས་དཔའི་ཞིང་ཁམས་དེ་དག་ཐམས་ཅད་ན་སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་དེ་ཉིད་འབའ་ཞིག་ཡང་དག་པ་ཇི་ལྟ་བ་བཞིན་དུ་བར་ཏུ་ཕྱིན་ཅི་མ་ལོག་པར་རིམ
22b4 གྱིས་དང་། ཅིག་ཅར་བར་སྟོན་ཏོ།། དེ་ཅིའི་ཕྱིར་ཞེ་ན།། རྡོ་རྗེ་སེམས་དཔའི་ཞིང་ཁམས་ན་འཁོད་པའི་སེམས་ཅན་ཆེན་པོ་དེ་དག་ནི་སེམས་ཀྱི་རང་བཞིན་སྣ་ཚོགས་པའི་ཕྱིར།། བློ་ཤིན་ཏུ་ཟབ་པ་དང་། མི་ཟབ་པ
22b5 དང་། ཡངས་པ་དང་། དོག་པ་དང་། བརྟན་པ་དང་། འགྱུར་བ་དང་། རྣོ་བ་དང་། རྟུལ་བ་དང་། མྱུར་བ་དང་། བྲལ་བ་དང་། ཤས་སྟག་པས་སྔགས་ཀྱི་ངོ་བོ་ཉིད་ཀྱི་གཏམ་རིམ་གྱིས་པ་དང་ཅིག་ཅར་བར་ཟོས
22b6 ནས་དེ་དག་ལ་ཡང་མི་སྐྲ་མི་དངང་གི་དགའ་ཞིང་མགུ་བ་དང་། རངས་པར་འགྱུར་བའི་ཕྱིན་སྣ་ཚོགས་སུ་སྣང་བའོ།། དེ་ན་གནས་པའི་ཚེའི་ཚད་ཀྱང་ཐུང་དང་། རིང་བ་དང་། དཔག་ཏུ་མེད་པ་དང་། བརྒྱ་པ་དང
iiif viewer powered by OpenSeadragon
