| e-texts navigator |
| Wylie |
229a1 ཡི་དྲག་ཤུལ་ཅན།། དྲག་ཤུལ་ཆེན་པོ་བརྟུལ་ཞུགས་བདག་ཁུ་འཕྲིལ་ལྟ་བུ་ཟིན་ཅན་བློ།། ངེས་པའི་ང་རྒྱལ་གླང་ཆེན་བརྟུན།། ཟླ་མེད་སེང་གེ་གཅིག་བརྗོད་པ།། རེག་འཇམ་བྱ་ལྟར་ཆགས་འགྲོགས
229a2 པ།། སྒྱུ་མ་སྒྱུ་མའི་ཚུལ་འདྲིད་པ།། གང་ལ་རྟོགས་མེད་ཀུན་སྤྱོད་ཉིད། ཐོགས་མེད་བྱ་བྱེད་མྱུར་སྤྱོད་ཟ་བྱེད་ཁ།། ཡུད་ལྟར་མྱུར་མགྱོགས་གློག་ལྟར་འགྱུར།། གང་གི་གང་བསྲུང་ནམ་མཁའ་ལྡིང་།། ས་ཐུབ་བག
229a3 ལེན་རྒྱལ་འཁོར་སྐྱོད།། རྣལ་འབྱོར་བརྟུལ་ཞུགས་ཆེན་པོ་ནི།། བཅུ་གཉིས་དང་ནི་གསུམ་བློར་ལྡན།། གང་འདིར་ཉམས་སུ་ལེན་བྱེད་པ།། རྣལ་འབྱོར་གསང་བའི་ཐབས་མཆོག་སྟེ།། གང་ལ་འཛུད་པས་བསྲེ་བ་ཡི།།
229a4 ཚུལ་ཁྲིམས་ཐམས་ཅད་གཅིག་སྤྱོད་པའོ།། ལང་ཀའི་བདག་པོ་གཞན་ཡང་གང་།། མཐུན་པས་འཇུག་པར་སྤྱོད་པ་ནི།། དེ་ཉིད་དེ་ལྟར་དེ་བཞིན་ཏེ།། གང་དང་འདྲ་ཚུལ་གང་ཡིན་པའོ།། འདོད་ཆགས་ཕོ་མོར་གྱུར་པ
229a5 ལ།། ཕོ་མོར་འདོད་ལས་ཕོ་མོར་སྣང་བ་གང་ཡིན་ལ།། ཕོ་མོ་མེད་ལས་ཕོ་མོ་སྣང་བ་མཐུན་འཇུག་སྤྱོད།། འདོད་ལ་ཆགས་པས་ཁྲོ་འགྱུར་ལ།། ཁྲོ་བར་འདོད་ལས་ཁྲོ་བར་སྣང་བ་གང་ཡིན་ལ།། ཁྲོ་བ་མེད་ལས་ཁྲོ
229a6 བར་སྣང་བ་མཐུན་འཇུག་སྤྱོད།། འདོད་ལ་ཆགས་པས་མུན་སྣང་ལ།། མུན་པར་འདོད་ལས་མུན་པར་གྱུར་པ་གང་ཡིན་ལ།། མུན་པ་མེད་ལས་མུན་པར་སྣང་བ་མཐུན་འཇུག་སྤྱོད།། ཇི་ལྟར་གང་ལྟར་དེ་བཞིན་སུ།།
iiif viewer powered by OpenSeadragon
