| e-texts navigator |
| Wylie |
228a1 ཐེག་ཆེན་རྨད་འབྱུང་གསང་བའི་ཚིག། ཚིག་གཅིག་བསྒྱུར་བས་ཚིག་མཐའ་ཡས།། ཚིག་ལམ་རབ་ཏུ་བྲལ་བའི་དོན།། ཟབ་མོ་སངས་རྒྱས་སྤྱོད་ཡུལ་སྟོན། ཨེ་མའོ་ངོ་མཚར་རྨད་ཀྱི་ཆོས།། རྨད་འབྱུང
228a2 རོལ་པའི་དོན་འབྱུང་ངོ་།། ཆ་མཐུན་སྦྱོར་བའི་ཁྱད་པར་ལས།། འཇིག་རྟེན་དྲུག་ཏུ་རོལ་པ་འབྱུང་།། འཁོར་བའི་ལམ་རྒྱུད་གཅད་པའི་ཕྱིར།། འཇིག་རྟེན་དྲུག་གི་སྙིང་པོ་ལ།། ཐུགས་རྗེ་ཐབས་ཀྱི་འོད་འཕྲོས་པས།།
228a3 རྒྱུད་དྲུག་དངོས་པོ་ཐམས་ཅད་བསྲེགས།། སྤྱོད་ལམ་མ་ཆགས་ཡེ་ཤེས་ཀྱིས།། ཆ་མཐུན་ཐབས་སུ་སྦྱར་བའི་ཕྱིར།། འཇིག་རྟེན་བྱིས་པའི་སྤྱོད་པ་བཞིན།། འཇིག་རྟེན་བུ་མོ་དྲུག་ལ་རོལ།། སྟབས་དྲུག་བསྐྱོད་པས
228a4 འགྲོ་དྲུག་བསྒྲལ།། གླུ་དྲུག་བླངས་པས་ཡུལ་དྲུག་དྲངས།། ཚིག་དྲུག་བསྒྲགས་པས་དོན་དྲུག་རྫོགས།། ལེ་ལོ་གཡེང་བའི་ས་གཞི་ལ།། བརྩོན་འགྲུས་མྱུར་བ་ཅང་ཤེས་སྟབས།། ཚགས་པའི་དབྱངས་ཀྱི་སྙན་པའི་གླུ།།
228a5 དོན་གྲུབ་རྡོ་རྗེ་གསང་བའི་ཚིག། ང་རྒྱལ་རི་བོའི་ས་གཞི་ལ།། དཔའ་བོ་ཚམ་ངམ་གྱད་ཀྱི་སྟབས།། སིལ་སྙན་འབུམ་གྱིས་སྙན་པའི་གླུ།། ཞི་གནས་མི་རྟོག་ནམ་མཁའི་ཚིག། ཀུན་ནས་འདུས་པའི་ས་གཞི་ལ།། ཁྲུ
228a6 མཆོག་ལྔ་ཡིས་རོལ་པའི་སྟབས། གླུ་གར་ཡིད་འཕྲོག་སྙན་པའི་གླུ།། འཛིན་པའི་རྟོད་ཕུར་འབྱིན་པའི་ཚིག། གཏི་མུག་འདུས་པའི་ས་གཞི་ལ།། སེང་གེ་རྔམ་པས་རོལ་པའི་སྟབས།། ཀ་ལ་པིང་གའི་དབྱངས་སྙན་གླུ།།
iiif viewer powered by OpenSeadragon
