| e-texts navigator |
| Wylie |
227b1 བཤེས་གཉེན་དམ་པ་དེས།། འདུས་པ་ཕལ་མོ་ཆེ་དག་ལ།། ལམ་འདི་རྒྱ་ཆེར་བསྟན་པའི་ཚེ།། འཁོར་དེར་འདུས་པར་གྱུར་པ་ཡི།། ལྷ་མོ་ཀླུ་མོ་རིགས་ངན་མོ།། བུ་མོ་དྲུག་གི་འཁོར་འདུས་པས།། དགའ་བས་གླུ་བྲོ
227b2 གར་གྱིས་བསྟན།། དགྱེས་པ་ཆེན་པོའི་གཉིས་པས་བསྟབས།། དེ་ཚེ་དམ་པའི་ཡུལ་མིན་ཡང་།། དམ་པ་གསང་བ་མཆོག་ཉིད་ཀྱིས།། དེ་ཉིར་སྤྱོད་མཐུན་དགྲོལ་བ་ཡིས།། ཡུལ་གྱི་དམ་པ་ཉིད་དུ་དགོངས།། གང
227b3 དེས་སྲས་ཀྱི་ཚོགས་འདུས་ལ།། ཀྱེ་མ་འདུས་པ་ཆེན་པོའི་ཚོགས།། ང་ཡི་གདུང་རྒྱུད་རིག་བྱུང་གང་།། ལྷ་ཡི་རོལ་མོ་གླུ་བྲོ་གར།། སྙན་དང་འཇོ་སྒེག་མཛེས་པའི་སྟབས།། གང་གི་ཡིད་འཕྲོག་འཇུག་འདྲེན་ཐབས།།
227b4 གླུ་ཡི་ཡན་ལག་སུམ་བརྒྱ་དང་།། སྟབས་དང་གར་ཐབས་མི་ཟད་པས།། ཀུན་སྡུད་ཀུན་མཉེས་ཆ་མཐུན་སྦྱོར།། དམ་པ་དེ་ཡིས་དེ་གསུངས་པ།། དེ་ནས་སྲས་ཀྱི་དེ་ཁོ་ན།། བློ་གྲོས་ཐབས་ལྡན་ཉིད་ཀྱིས་འདིར།། གང
227b5 དག་གང་འདུལ་རིག་ནས་ནི།། འཇིག་རྟེན་དྲུག་དང་མཐུན་སྦྱོར་ཕྱིར།། གང་གི་གནས་ནས་མཐུན་གཡོས་ཏེ།། གར་མཆོག་གློག་ལྟར་འགྱུར་བ་ཡི།། དཔལ་ལྡན་ལག་པ་བྱེ་བ་ཡིས།། ནམ་མཁའི་ཁམས་འདི་ཡོངས
227b6 བཀང་ནས།། གོམ་པའི་སྟོབས་ཀྱིས་གར་བྱེད་ཅིང་།། གླུ་ཡི་ཡན་ལག་སུམ་བརྒྱའི་སྒྲ།། སྲིད་གསུམ་འབྲུག་སྒྲས་གང་བ་ལྟར།། མཐའ་ཐུག་མེད་པའི་འཇིག་རྟེན་དྲུག། གང་བས་ཡིད་འཕྲོག་འདྲེན་པར་བྱེད།།
iiif viewer powered by OpenSeadragon
