| e-texts navigator |
| Wylie |
227a1 གསུངས་པ་ཇི་སྙེད་པ།། འདིར་ནི་གསུམ་དུ་ཤེས་པར་བྱ།། ཆ་མཐུན་མཐུན་འཇུག་ཐབས་འཛུད་པ།། སྦྱོར་དང་སྤྱོད་པ་བསྲེ་བ་ཡིས།། ཐམས་ཅད་ཐམས་ཅད་ཅི་རིགས་པར།། དམ་པའི་དོན་དུ་ངེས
227a2 པར་སྦྱོར།། ལང་ཀའི་བདག་པོ་འདི་ལྟ་སྟེ། ཆ་མཐུན་སྦྱོར་བ་གང་འཇུག་པ།། གང་ཞིག་གང་དུ་དེར་ངེས་ལ།། དེ་དག་ཉིད་དང་མཐུན་པར་སྤྱད།། ཡོངས་ཀྱིས་དེ་དང་མཐུན་བསྟན་ན།། དེ་ཉིད་དེ་ལ་འགྱུར་བར་བྱ།།
227a3 དེ་དག་དམ་པར་བྱ་བའི་ཕྱིར།། དེ་དག་མཐུན་པས་གང་སྦྱར་བས།། ཡིད་ཀུན་དྲངས་ཏེ་བཅུག་ཅིང་བྱ།། གང་གི་ཡིད་འཕྲོག་འདྲེན་འཇུག་པ།། ཇི་ལྟར་ཡིད་འོང་དེ་ཁོ་ན།། ནན་ཏན་གྱིས་ནི་དེ་ཉིད་དོ།། དཔེར་ན
227a4 མུན་པའི་ཁམས་དག་ན།། གང་གིས་གང་དག་གང་གྱུར་པ།། དེ་ཡི་ཡིད་ལ་དེ་ཞུགས་ཏེ།། དེ་དག་དེ་གཅིག་མི་གཞན་པས།། དེ་ནས་དེ་ཡི་དེ་རིག་ནས།། དེ་ཡི་དབང་སྒྱུར་ཐབས་ཐོབ་སྟེ། དེ་ཉིད་སྦྱར་བའི་ཚིག་ལམ
227a5 འབྱུང་།། དེ་འདས་དམ་པ་ཁོ་ན་ཡི།། ཡིད་ལ་ཞུགས་པས་ཨེ་མའོ་འཁྲུལ།། འདིར་ཉེས་འདིར་ལོག་ལྡང་སོགས་བསྔོ།། དེ་ནང་འདི་ནི་ཁོ་ནས་བྱས།། གང་འདིར་དམ་པར་འཇུག་འདི་ལ།། དམ་པ་ཁོར་ན་འཇུག་པར
227a6 འོས།། དེས་ན་དེ་ཡི་དེ་ཉིད་དེ།། འོན་པས་གང་གི་དེ་ཉིད་ཀྱང་།། འོན་ཅིང་དམ་པའི་ཡུལ་ལ་འཇུག། ལང་ཀའི་བདག་པོ་ཇི་ལྟར་ན།། དེ་ཡང་ཇི་ལྟ་བུ་ཞེ་ན། ཁོ་བོས་མཐོང་ཐོས་སྐད་ཅིག་ན།། བདག་གི
iiif viewer powered by OpenSeadragon
