| e-texts navigator |
| Wylie |
226b1 པ་ཐམས་ཅད་གོལ།། མཉམ་ཞེས་བྱ་བའི་ཐ་སྙད་ཀྱང་།། གཉིས་དང་དཔུང་མཐའ་རྣམ་འབྱེད་ལས།། ཀྱེ་མ་འདི་གཅིག་ཆོས་ཀྱི་སྤྱན།། ཐམས་ཅད་དེ་ལས་མེད་བཞིན་དུ།། གཉིས་འདི་ཕན་ཆད་རྣམ་རྟོག་ཡིན།།
226b2 ཀུན་ཀྱང་ངེས་པ་འདི་ལྟར་ཞོག། གྲོགས་པོ་དག་དེ་དག་ནི་མེ་ལོང་བརྟག་པར་བྱའོ་ཞེས་དགོངས་པ་དམ་པ་ངེས་པར་བགྲོས་པར་ཤེས་པར་བྱའོ།། དེ་སྐད་ཅེས་སྨྲས་པས་ལང་ཀའི་བདག་པོ་ལ་སོགས་པ་དམན་པའི
226b3 ལུས་ཀྱི་སེམས་དཔའ་རྣམས་ཡང་དག་པར་ངེས་པར་འཇོག་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཉེ་བར་མཚོན་པ་ཞེས་བྱ་བའི་ལེའུ་སྟེ་དྲུག་ཅུ་གསུམ་པའོ།། །། དེ་ནས
226b4 ཡང་ལང་ཀའི་བདག་པོ་ལ་སོགས་པ་དམན་པ་དམ་པ་རྣམས་ཀྱིས་གསང་བ་པའི་བདག་པོ་ལ་གང་དུ་འདིར་མདོ་བཅུ་བཀོད་པའི་དགུ་པ་དྲི་བ་ཡོངས་སུ་དྲིས་པ།། ཀྱེ་གསང་བ་པའི་བདག་པོ་ཆེ་མཐུན་པར་སྦྱར་བར
226b5 བྱའོ་ཞེས་དམ་བཅའ་བར་དགོངས་པ་དེ་ཇི་ལྟར་ཡོངས་སུ་ཤེས་པར་བགྱི།། དེ་སྐད་ཅེས་དྲིས་པ་ལས།། གསང་བ་པའི་བདག་པོས་སྨྲས་པ། ལང་ཀའི་བདག་པོ་དེ་དག་ནི་འདི་ལྟར་ཡོངས་སུ་ཤེས་པར་བྱ་སྟེ། མུན་པ
226b6 ཆེན་པོ་མུན་འཁྲིགས་པའི། བྱིས་པའི་ཁམས་ཀྱི་གྲོང་ཁྱེར་དུ།། རྟག་པ་རྒྱུན་གྱི་འཁོར་མོར་འདིར།། ངེས་པར་འཇུག་པའི་བྱ་བ་དག། དགོངས་པ་དམ་པ་ཀུན་འདུས་པས།། གང་གི་སྤྱོད་ཡུལ་གང་གྱུར་པ།། འདི་ལྟར
iiif viewer powered by OpenSeadragon
