| e-texts navigator |
| Wylie |
226a1 པས་རྟོགས་པར་མི་འགྱུར་རོ།། དཔེར་ན་ཉི་མའི་སྙིང་པོ་ནི།། མིག་གི་དབང་པོས་རབ་བརྟགས་ན།། སྙིང་པོ་དེ་གང་མི་རྟོགས་ཀྱི།། འོད་འབར་ཟིལ་གྱིས་མིག་རྫི་ལ་འགྱུར།། དེ་བཞིན་བྱིས་པ་བློ་ཞན
226a2 པས།། སྙིང་པོ་དོན་ལ་ཅིར་བརྟགས་ཀྱང་།། གསང་བའི་སྙིང་པོ་མི་མཐོང་གི། བློ་ཞན་བྱིས་པ་ག་ཆད་རྒྱལ།། དེས་ན་གསང་བ་དམ་པ་འདི།། མཚོན་པས་ཤེས་པར་མི་ནུས་ཀྱང་།། གང་ལ་རྨོངས་པའི་ཚོགས་མཚོན
226a3 ཕྱིར།། རྣལ་འབྱོར་ཅན་ལ་ཕྱོགས་ཙམ་མོ།། བསམ་དུ་མེད་པའི་ཆོས་ཉིད་འདི།། བསམ་དང་བྲ་བས་དེ་བཞིན་གཞག། མི་བརྟགས་གཞག་པའི་ཆོས་འདི་གང་།། བྱིས་པ་རྣམས་ལ་ངས་མ་བསྟན།། བརྗོད་པས་མཚོན
226a4 པ་ལས་འདས་པས།། འདི་ཞེས་བསྟན་དུ་ག་ལ་ཡོད།། མེད་པས་བསྟན་པའི་དམིགས་མི་རྙེད།། མི་དམིགས་ཆོས་ལ་ཚིག་ལམ་མེད།། ཆོས་ཀུན་ནམ་མཁའ་ལྟ་བུ་སྟེ། ནམ་མཁའ་ལ་ཡང་མཚན་ཉིད་མེད།། ནམ
226a5 མཁའི་དབུས་མཐའ་མི་དམིགས་བཞིན།། ཆོས་ཀུན་མཐའ་དབུས་མུ་དང་བྲལ།། ནམ་མཁའ་གང་མིང་རྗོད་བྱེད་པ།། བརྗོད་པ་དེ་ཉིད་དངོས་པོ་སྟེ།། དེ་ཡི་ཐ་སྙད་མིང་བརྗོད་ཀྱང་།། ནམ་མཁའ་དེ་ལ་འགག་མིར
226a6 འགྱུར།། འདི་ལ་མི་རྟོག་གང་བརྗོད་པ།། བརྗོད་པ་དེ་ཉིད་རྣམ་རྟོག་སྟེ།། རྣམ་རྟོག་རྣམ་རྟོག་ཅི་བརྗོད་ཀྱང་།། དེ་ལ་གཉིས་མེད་འགག་མི་འགྱུར།། གང་འདིར་གཉིས་སུ་འདོད་པ་དང་།། དབུས་མཐའབྱེད
iiif viewer powered by OpenSeadragon
