| e-texts navigator |
| Wylie |
225b1 ཆུ་ཉིད་ནམ་མཁའ་ཉིད་དུ་དག། སྣང་དང་མི་སྣང་ཇི་སྙེད་པ།། ཐམས་ཅད་ཐམས་ཅད་དེ་ཉིད་ལས།། རང་འབྱུང་རང་ཞི་ཇི་བཞིན་པར།། དག་པ་ཉིད་དུ་ངེས་པའོ།། དྲི་ཟའི་གནས་དེ་ངེས་མེད་པ།། དེ་ཡི་གཟུགས་ནི
225b2 གར་བྱུང་བར།། གྲོང་ཁྱེར་དེ་ཡང་དེ་བཞིན་འབྱུང་།། འབྱུང་བ་ཉིད་ན་དེར་མི་བརྟག། ཇི་བཞིན་པ་ཡི་དེ་བཞིན་ཉིད།། གནས་པ་གནས་པ་གར་གནས་པར།། དེ་ཉིད་གཞལ་མེད་ཁང་ཆེན་སྣང་།། སྣང་བ་དེ་ལྟར
225b3 གནས་མ་ཡིན།། ཇི་ལྟར་སྤྲུལ་པའི་རང་བཞིན་ནི།། མེད་འབྱུང་གཅིག་ལས་དུ་མར་འབྱུང་།། གང་འབྱུང་འཁོར་ལོའི་རྒྱུན་ལྟར་སྣང་།། སྣང་བའི་འབྱུང་རྒྱུན་འཆད་མ་ཡིན།། མི་མཉམ་མཉམ་པི་རང་བཞིན་ལས།། ཇི
225b4 ལྟ་བ་ལྟར་དེ་འབྱུང་བ།། གང་འདིར་འབྱུང་བ་རྒྱུན་མི་འཆད།། དེ་ལ་ཟད་མེད་འཕེལ་བ་མེད།། གང་འདིར་གཟུགས་བརྙན་གང་སྣང་བ།། བཞིན་དང་བཞིན་འབྱུང་དང་བ་ལས།། བརྟེན་ནས་དེ་བཞིན་གཟུགས
225b5 བརྙན་འབྱུང་།། དེ་ཉིད་དེ་གཉིས་ཟ་དད་མིན།། གང་འདིར་རྒྱུ་འབྲས་སོ་སོ་པས།། རྒྱུ་ཉིད་འབྲས་བུ་དེ་ཉིད་རྒྱུ།། དེ་བས་དེ་ལ་དེ་གཉིས་མེད།། དེ་བཞིན་ཉིད་དོ་དེ་ཁོ་ནའོ།། དེས་ན་ཇི་སྙེད་པ་ཡི་ཆོས།། ཇི་བཞིན
225b6 ཉིད་དུ་གཅིག་པས་ན།། གང་ལྟར་ཅི་སྣང་ཅི་བྱུང་ཡང་།། མི་གཡོ་བ་ལས་འབྱུང་སྣང་མེད།། ཟབ་མོ་གསང་བ་དམ་པོ་འདི།། མཁའ་ལ་རྟོག་འདྲ་གཏིང་དཔག་དཀའོ།། རྣལ་འབྱོར་མི་ལྡན་གང་རྟོག་པ།། བརྟགས
iiif viewer powered by OpenSeadragon
