| e-texts navigator |
| Wylie |
225a1 ཤར་བ།། གཟུགས་བརྙན་དང་བའི་ཆུ་ན་སྣང་།། དེ་ལ་བརྟགས་པའི་དངོས་པོ་མེད།། དེ་བཞིན་གང་ཡང་བཀོད་མེད་པར། དེ་ཉི་མཁའ་ལ་གང་གསལ་བ།། གང་འདིར་སྣང་བ་དེ་ཉིད་དེ།། དེ་ཉིད
225a2 དངོས་མེད་འཛིན་རྟོག་བྲལ།། ཇི་ལྟར་སྨི་ལམ་རང་བཞིན་ནི།། གང་ཞིག་གཉིས་ཀྱིས་ནོན་པ་ན།། སྐད་ཅིག་ཟང་ཅི་ཡུད་ཙམ་དང་།། ལོ་ལ་སོགས་པ་ཇི་སྙེད་དུ།། བདེ་སྡུག་སྣ་ཚོགས་མྱོང་བར་སྣང་།། དེ་སངས་ཅི
225a3 ཡང་མི་དམིགས་ལྟར།། སྟོང་ཉིད་ཅིར་ཡང་མེད་པ་ལ།། སྤྱོད་པའི་ཁྱད་པར་ཅིར་སྤྱད་ཀྱང་།། སྤྱོད་ལ་མ་ཆགས་ཇི་བཞིན་པས།། བརྟགས་ན་དམིགས་པ་ཀུན་དང་བྲལ།། སྒྲ་བརྙན་འབྱུང་བའི་རང་བཞིན་ནི།། རང
225a4 གི་གནས་ལ་སྒྲས་རྐྱེན་པས།། དེ་བཞིན་དེ་ལྟར་སྒྲ་བརྙན་འབྱུང་།། དེ་ཉིད་ཅི་ཡང་མེད་འབྱུང་ཡིན།། གསང་སྔགས་གསང་བའི་བྱིན་བརླབས་དག། གང་གི་ཆེད་དུ་མེད་འབྱུང་བ།། ཅི་ཡང་མེད་ལ་ཅི་ཡང་འབྱུང་།།
225a5 མེད་རྒྱུ་བཏགས་ཆགས་བལྟས་པར་སྣང་།། གང་འདིར་མིག་ཡོར་རང་བཞིན་ནི།། མིག་ནད་ཅན་ལ་རྫས་སྣང་བ།། འཁྲུལ་པའི་ངོན་སྣང་བར་ཟད།། ཇི་ལྟར་སྣང་བ་གང་ཡང་མེད།། སྒྲོས་བྲལ་རང་བཞིན་སྟོང་ཉིད
225a6 ལས།། ཆོ་འཕྲུལ་རྣམ་པ་ཅི་སྣང་བ།། ཆོ་འཕྲུལ་ཉིད་དུ་སྣང་བར་ཟད།། སྣང་བ་དེ་དག་གང་ཡང་མེད།། ཆུ་དང་ནམ་མཁའ་དང་བ་ལས།། ཆུ་བུར་སྤྲིན་ཚོགས་ཐ་དད་འབྱུང་།། རང་འབྱུང་རང་བཞིའི་རང་བཞིན་པས།།
iiif viewer powered by OpenSeadragon
