| e-texts navigator |
| Wylie |
224b1 བཅའ་བར་དགོངས་པ་དེ་ཇི་ལྟར་ཡོངས་སུ་བརྟག་པར་བགྱི། དེ་སྐད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་གྲོགས་པོ་དག་གང་ལ་གང་གིས་མཚོན་པས་ཤེས་པར་འགྱུར་བའི་མེ་ལོང་ནི་འདི
224b2 ལྟར། སྣང་དང་བརྟགས་དང་འབྱུང་བ་དང་།། མི་ཆགས་འབྱུང་སྣང་དག་པ་དང་། གནས་འབྱུང་མཐུན་པ་རྣམ་པ་བཅུ། སྒྱུ་མ་སྨིག་རྒྱུ་ཆུ་ཟླ་དང་།། རྨི་ལམ་སྒྲ་བརྙན་མིག་ཡོར་དང་།། མགལ་མེ་དྲི་ཟའི་གྲོང་ཁྱེར་དང་།།
224b3 སྤྲུལ་པ་གཟུགས་བརྙན་མེ་ལོང་བཅུ།། མཐུན་པའི་དམིགས་བཅུ་མཚོན་པར་གཞག། དངོས་པོ་མེད་ཀྱང་དངོས་པོར་སྣང་།། དངོས་པོར་སྣང་དུ་བཏུབ་པའི་དཔེ།། ཇི་ལྟར་སྒྱུ་མའི་རང་བཞིན་ནི།། སྐྱེས་བུ་གང་གི
224b4 རྩོལ་བ་དང་།། སྨན་དང་སྔགས་ཀྱི་སྦྱོར་བ་ལས།། དབང་པོ་ཡིད་འཕྲོག་ཅིང་ཡང་སྣང་།། དེ་ལ་འགྲོ་འོང་དངོས་པོ་མེད།། འདི་ལྟར་གསང་བའི་རང་བཞིན་ཡང་།། མེད་རྒྱུ་འབྱུང་བའི་སྦྱོར་བ་ལས།། ཇི་ལྟར་སྣང
224b5 འབྱུང་རང་བཞིན་མེད།། གང་འདིར་སྨིག་རྒྱུའི་རང་བཞིན་ནི།། འཇིག་འབྱུང་གཡོ་བའི་དུས་དག་ལ།། དེ་དག་དེ་ཡི་རང་བཞིན་ལས།། བྱ་བ་གདུང་བའི་འདུ་ཤེས་ཀྱིས།། ཆུ་ཡི་འདུ་ཤེས་ཉེར་བཞག་ཀྱང་།། ཚིམ
224b6 པའི་རྒྱུ་དེར་ག་ལ་འགྱུར།། དེ་བཞིན་དེ་ཡི་ཁྱད་པར་ཡང་།། ཀུན་ནས་རང་བཞིན་སྟོང་པ་ལ།། ཐ་སྙད་མཚན་མ་མིང་དུ་བཏགས།། དེ་ཉིད་སྟོང་པ་དེ་མི་དམིགས།། གང་འདིར་ཆུ་ཡི་ཟླ་བ་ནི།། སྒྲིབ་མེད་མཁའ་ལ་ཟླ
iiif viewer powered by OpenSeadragon
