| e-texts navigator |
| Wylie |
224a1 ཏན་ཚོགས་ཀྱིས་དཔུང་ཆེན་བསྐྱེད།། འདི་ལྟར་ལས་ཀྱི་ལྡང་སོགས་པ།། གཞན་དུ་སྤྱོད་པ་མ་ཡིན་ཏེ།། རྩེ་གཅིག་དོན་ལྡན་རྣལ་འབྱོར་པ།། རྒྱུད་སྦྱོང་དོན་ལྡན་བྱ་ཕྱིར་དང་།། གལ་ཏེ་རྩལ་ཞན་མ
224a2 ལྡན་ན།། དགེ་བསགས་སྟང་ཆེན་ཀུན་བསྡོངས་ཏེ།། གང་འདིར་བསགས་པའི་དོན་བགྲངས་ཤིང་།། གདུང་བའི་ཤུགས་ཕྱུང་རྩལ་སྤྲུགས་ན།། ཉི་ཤར་ཆུ་ཀླུང་ཟླ་བརྙན་ལྟར།། རང་བཞིན་ཤུགས་ཀྱིས་འབྱུང་བར
224a3 གཅེས།། དེ་ཕྱིར་ཆུང་ངུ་ཡན་ཆད་ཀྱང་།། དམ་པའི་དོན་དུ་འགྱུར་བར་བྱ།། གང་འདིར་ཟིན་དང་མ་ཟིན་པའི།། དངོས་པོ་བརྟན་གཡོ་ལ་སོགས་ཀུན།། དེ་བཞིན་ཉིད་དུ་བློ་བཞག་ན།། སྙིང་རྗེ་ཆེན་པོ་དེ་ཉིད་དོ།།
224a4 ལང་ཀའི་བདག་པོ་དེ་ལྟར་ན།། ཡུལ་གང་མེད་པའི་ཚུལ་གྱིས་ནི།། འཇུག་པ་མེད་ལས་གང་འཇུག་པ།། ཡུལ་ལ་འཇུག་པ་དམ་པའོ།། དེ་སྐད་ཅེས་སྨྲས་པས། ལང་ཀའི་བདག་པོ་ལ་སོགས་པ་དམན་པའི་ལུས་ཀྱི
224a5 སེམས་དཔའ་རྣམས་གང་གི་རྒྱུན་དུ་ཡུལ་ལ་འཇུག་པའི་ངེས་པ་དམ་པ་རྙེད་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོས་ཡུལ་དམ་པ་ལ་འཇུག་པའི་ལེའུ་སྟེ་དྲུག་ཅུ་གཉིས་པའོ།།
224a6 དེས་ནས་ཡང་ལང་ཀའི་བདག་པོ་ལ་སོགས་པ་དམན་པའི་སེམས་དཔའ་དེ་དག་གིས་གསང་བ་པའི་དག་པོ་ལ་མཚོན་པའི་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་མེ་ལོང་བརྟག་པར་བྱའོ་ཞེས་དམ
iiif viewer powered by OpenSeadragon
