| e-texts navigator |
| Wylie |
223a1 བཞུགས་པ།། ཟབ་པ་པས་ཀྱང་ཆེས་ཟབ་པས།། དེ་ཉིད་གཏིང་ནས་ཟག་གཅད་ཕྱིར།། གསང་བའི་ཡུལ་བཞི་སྐྱེ་བོ་དང་། ལྷན་ཅིག་ཅི་ལའང་མི་བརྣལ་ལོ།། དེ་ཡང་ཡོངས་སུ་རྫོགས་པ་གང་།། བྱ
223a2 བས་བྱ་བ་མེད་ན་ཡང་།། དེ་ཡི་རང་བཞིན་ཕན་གཞན་པ།། ཡིན་པས་གང་འདིར་ཕན་པར་བྱ།། གང་གི་དོན་དང་འགལ་འགྱུར་བ།། དེ་ལས་གྱུར་པའི་ཡོ་བྱད་དག། རུས་སྦས་མགོ་ལ་འོངས་པ་ལྟར།། མི་མཐའ་མེད
223a3 པས་བཤུག་པར་བྱ།། ཅི་ཕྱིར་ཀུན་ཏུ་རྣལ་འབྱོར་པས།། རྣལ་འབྱོར་དམ་པ་ཉིད་ལས་མིན།། གལ་ཏེ་གང་གི་དབང་གིས་ན།། དམ་པའི་དོན་དང་འགལ་འགྱུར་ཏེ།། དེ་དང་མི་མཐུན་ཉིན་ཆེན་འབྱུང་།། གལ་ཏེ་དེ་ལ
223a4 དེ་འབྱུང་ན།། མགོན་བཙུན་དེ་ལ་དེ་ལས་མེད།། དེ་གང་མ་ཟིན་འབན་ཐག་ཆད།། གང་གི་དོན་དུ་གང་འགྱུར་ན།། ཕྲ་མོའི་ཕྲ་མོ་ཡན་ཆད།། ཐམས་ཅད་ཐམས་ཅད་ཇི་ལྟ་བར།། ནན་ཏན་གྱི་ནི་དགའ་མས་བྱ།། སློང
223a5 མོ་པ་དང་སློ་བ་དགའ།། སློང་ལ་འཚོ་བའི་ཚེ་སྤྱོད་རྣམས།། སྡེ་དང་ཚན་དང་གྲར་བྱས་ཏེ།། སྙིང་རྗེ་ཁུད་པའི་ཞིང་དུ་བྱ།། སྨན་དང་འབྲུ་དང་རྩི་རྣམས་དང་།། བཅུད་ཀྱི་མཆོག་དུ་གྱུར་པ་དག། བཏགས་སམ་ཕྱེ་མར
223a6 བྱས་ནས་ཀྱང་།། ཀླུང་ངམ་ཆུ་གང་མཚོ་ཆེན་དུ།། དོར་ཏེ་ཆགས་མེད་སྦྱིན་པར་བྱ།། གང་གི་རྟེན་དུ་ཁས་བླངས་ཏེ།། ནད་གསོ་གང་སློབ་སྤྱོད་སྒོམ་གྲ།། བཙུགས་ཏེ་བསྟི་གནས་མཆོག་བྱ་ཞིང་།། དུས་ཀྱི་འཁོར་ལོའི
iiif viewer powered by OpenSeadragon
