| e-texts navigator |
| Wylie |
222a1 མེད་ལ་དེ་ཁྱད་མེད།། རྩལ་འཕང་མཐོ་དམན་རྣལ་འབྱོར་པས།། མཐོ་དམན་གོ་འཕང་ས་བགྲོད་བྱ།། གང་འདིར་དྲི་བའི་མཆོག་སྣང་བ།། དམ་པར་གྱུར་པའི་ལང་ཀའི་བདག། གང་འདིར་རྣལ་འབྱོར
222a2 ཀུན་སྦྱོར་པ།། ངེས་པའི་ས་བཅུ་རྩ་བ་འདིར།། གང་གི་རྩ་བ་ཡན་ལག་ལས།། བཅུ་གཉིས་བདུན་གཉིས་རྫོགས་པའོ།། དེས་ན་ས་ཡི་ཁྱད་པར་ལས།། རྒྱ་ཆེ་བ་དང་གྲངས་མང་ཡང་།། རྣལ་འབྱོར་ས་འདི་སྦྱར་བར
222a3 བྱའོ།། ས་དང་ས་ཡི་འབྱུང་གནས་པ།། ཀུན་གཞི་ཀུན་གྱི་ས་ཆེན་ཏེ།། གང་གི་ས་ཆེན་འདི་ནོན་ན།། ས་རྣམས་སྐད་ཅིག་ཙམ་བགྲོད་པའོ།། གྲོགས་པོ་དག་དེ་དག་ནི་ཁྱད་པར་བླ་མར་འགྲོ་བར་བྱའོ།། ཞེས་དམ
222a4 བཅའ་བར་དགོངས་པ་ཡོངས་སུ་བགྲོས་པར་ཤེས་པར་བྱའོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་སའི་སྒྲོན་མ་བསྟན་པའི་ལེའུ་སྟེ་དྲུག་ཅུ་གཅིག་པའོ།། །། དེ་ན་ཡང་ལང
222a5 ཀའི་བདག་པོ་ལ་སོགས་པ་དམན་པ་དམ་པ་རྣམས་ཀྱིས་གསང་བ་པའི་བདག་པོ་ལ་དྲིས་པ།། ཀྱེ་གསང་བ་པའི་བདག་པོ་ཡུལ་ལ་འཇུག་པར་བྱའོ་ཞེས་དམ་བཅའ་བར་དགོངས་པ་ཇི་ལྟད་ཡོངས་སུ་ཤེས་པ་བགྱི། དེ།
222a6 སྐད་ཅེས་ཡོངས་སུ་དྲིས་པ་ལས། གསང་བ་པའི་བདག་པོས་ཡོངས་སུ་སྨྲས་པ། ཀྱེ་གྲོགས་པོ་དག་ཡུལ་ནི་འདི་ལྟར་གང་གི་ཞིང་ཡོངས་སུ་སྦྱོང་བར་འདོད་པ་རྣམས་ཀྱིས་གང་དུ་དགོངས་པའི་ཡུལ་དེ་ཁོ་ན་ཉིད་དང་།
iiif viewer powered by OpenSeadragon
