| e-texts navigator |
| Wylie |
221a1 བསོད་ནམས་གཏེར་གྱི་ས་འདི་ལ།། སྤྱོད་པ་རྒྱུན་གྱི་རྣལ་འབྱོར་ཉིད།། མོས་པ་དག་ཅིང་འདུན་པའི་གནས།། རྩལ་ཆེན་བློ་ཡི་བསྟི་གནས་ས།། བསླབ་པའི་མཐའ་བཅུ་སྤྱིར་ཆེབ་པའོ།། བརྟེན་པས
221a2 ཁྱད་པར་འགྲོ་འདི་ལ།། དབུགས་ཆེན་འབྱིན་པའི་རྣལ་འབྱོར་པ།། རིགས་ཆེན་འཛིན་དང་མཉམ་རྫོགས་ཆེ།། ངེས་པར་སྤྱོད་དང་རྩལ་ཆེན་སྦྱོར།། ཡུལ་ལ་འཇུག་དང་རིག་པ་སྦྱོར།། བདུན་ཉིད་རྫོགས་པར་འགྲོ་བ
221a3 སྟེ།། བསླབས་པའི་རྒྱུ་འབྲས་མཐའ་བཅུ་ལ།། གོམས་པར་བྱེད་པའི་ཚུལ་དུ་སྐྱོང་།། ངལ་བསོ་བ་ལས་ཐམས་ཅད་མཐོང་།། མི་ལྡོག་ས་ལ་གོམས་བྱར་མེད།། འདི་དག་སྦྱོར་བའི་གཞི་གཅིག་ཀྱང་།། སོ་སོ་ཐུན་མོང
221a4 མ་ཡིན་པའི།། སྒྲིབ་པ་ལས་ཞེས་རྩི་བྱེད་ཅིང་།། ཡེ་ཤེས་རེ་རེ་འཆར་བའོ།། དེས་ན་བསླབ་པའི་མཐར་གཅིག་ལ།། མོ་ལྡོག་ལ་སོགས་རྫོགས་ཆེན་རྣམས།། གང་དེར་བདེན་པ་རེ་རེ་ལ།། རྩལ་འབྱུང་རེ་རེ་འཆར་བ
221a5 སྟེ།། ཐ་མ་རང་འབྱུང་ཉིད་ཀྱིས་རྫོགས།། མཐར་ཕྱིན་པ་དང་ཐོབ་པ་དང་།། མི་ལྡོག་རྣམས་ལ་རིན་པ་བཞིན།། རྨི་ལམ་དང་ནི་སྒྲ་བརྟན་དང་།། མངོན་སུམ་ངེས་པ་ཅི་རིགས་པར།། རྣལ་འབྱོར་རྡོ་རྗེ་ལུང་སྟོན་པ།།
221a6 རྡོ་རྗེ་རྡོ་རྗེ་རྣལ་འབྱོར་པ།། ཞེས་བྱར་ཉིད་དང་ས་ཁམས་དང་།། ཞིང་ཁམས་ཀུན་ཏུ་བསྒྲགས་བྱས་ནས།། རྣལ་འབྱོར་དམ་པར་འབྱིན་པའོ།། དམིགས་པའི་འབྲས་བུ་སྐྱེ་འདི་ལ།། གྲུབ་པའི་རྣལ་འབྱོར་རྣལ་འབྱོར
iiif viewer powered by OpenSeadragon
