| e-texts navigator |
| Wylie |
219b1 ཤེས་པར་བྱའོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་མིག་གི་སྒྲོན་མ་བསྟན་པའི་ལེའུ་སྟེ་དྲུག་ཅུ་པའོ།། །། དེ་ནས་ཡང་ལང་ཀའི་མངའ་མདག་ལ་སོགས་པ་དམན་པ་དམ
219b2 པའི་སེམས་དཔའ་ཆེན་པོ་རྣམས་ཀྱིས་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ཁྱད་པར་དུ་བླ་མར་འགྲོ་བར་བྱའོ་ཞེས་དམ་བཅའ་བར་དགོངས་པ་དེ་ཇི་ལྟར་ཡོངས་སུ་ཤེས་པར་བགྱི།། དེ་སྐད་ཅེས
219b3 གསོལ་པ་ལས།། གསང་བ་པའི་བདག་པོས་སྨྲས་པ།། ཀྱེ་གྲོགས་པོ་དག་ཁྱད་པར་དུ་འགྲོ་བར་བྱ་བ་དེ་ནི་ལེགས་སོ།། ཤིན་ཏུ་རབ་རུ་ལེགས་སོ།། ས་དེ་ནི་འདི་ལྟར་ས་མཁན་དམ་པ་རྣམས་ཀྱི་རྣལ་འབྱོར་གྱིས
219b4 ཡོངས་སུ་སྣང་བ་ཞེས་བྱ་བའི་སྒྲོན་མ་ལེགས་པར་བཀོད་པ་ནི་འདི་ལྟ་སྟེ། ས་དང་ས་ཡི་ཁྱད་པར་ནི།། གང་འདིར་ཡོངས་ཀྱིས་མེད་པ་ལ།། ཤེས་བྱ་གཅོད་པའི་ཁྱད་པར་གྱིས།། རང་རིག་མཐོ་དམན་རིམ་པ་ཟད།།
219b5 དཔེར་ན་རྒྱལ་པོའི་དཀོར་མཛོད་ནས།། ཆེ་ཆུང་ཟབས་འདོད་གང་དུ་དག། དཀའ་ཐུབ་ཕྱི་ནང་ཁྱད་པར་གྱིས། སྤྱོད་སྒོ་འཇུག་པའི་ལས་ཐབས་ལས།། མཐོ་དམན་རྩལ་གྱིས་གང་ལེགས་པ།། རྒྱལ་པོ་གཅིག་ལ་སྤྱོད
219b6 ན་ཡང་།། རིན་ཆེན་སྣ་འགའ་ཁྱད་པར་དག་ཐབས་ཆེན་སྒོ་དགུ་སོ་སོར་སྤྱོད།། རྒྱལ་པོར་གྱུར་ན་དེ་ནོར་ཀུན།། དབང་བསྐུར་བྱེད་པའི་བདག་པོ་ཡིན།། མི་གནས་མ་བཅོས་དེ་བཞིན་ཉིད།། ཤེས་བྱ་དེ་ལས་མེད་པ
iiif viewer powered by OpenSeadragon
