| e-texts navigator |
| Wylie |
219a1 དེ་འཛིན་ཕྱིན་ཅི་མ་ལོག་པ།། མངོན་འབྱིན་དོན་འདོད་འབྲེལ་བའོ།། རྣམ་གྲངས་རྣམ་གཉིས་དོན་བཞིན་ནོ།། ཀུན་ལ་དགེས་པར་བྱེད་པ་ཡིན།། དེ་ཉིད་མ་འདྲེས་ཡོངས་རྫོགས་པ།། དངོས་མེད་མི
219a2 རྟོག་ཡོངས་སུ་རྫོགས།། སོ་སོ་ཐ་དད་བསམ་མི་ཁྱབ།། མ་འདྲེས་དེ་ལྟར་ཇི་བཞིན་བྱེད།། གང་འདིར་ཕྱིན་ཅི་མ་ལོག་པར།། ཡོངས་སུ་ཆུབ་པར་ཕུལ་ཉིད་དོ།། ཀུན་ནས་མ་རྨོངས་ཐམས་ཅད་གསལ།། གང་ལ་མ
219a3 འགགས་ཐོགས་པ་མེད།། ཀུན་འཇུག་གང་མ་རིག་པ་གཅོད།། སྐྱེ་མཆེད་ཀུན་དུ་གྱུར་པ་ཉིད།། གང་མཆེད་གང་གི་རླུང་ཞུགས་པ།། མཁས་པའི་ཡེ་ཤེས་ཚད་མེད་པའོ།། གང་ལ་ལོག་པ་དེ་ཉིད་དག། དེ་ཉིད་ཕུལ་དུ
219a4 ཕྱིན་པའི་ཕྱིར།། དམིགས་བུ་གསལ་བའི་སྒྲོན་མ་ཡིས།། དེ་ཉིད་དེ་ལ་བལྟ་བར་བྱ།། སྒྲོན་མའི་སྣང་བ་མི་ཤེས་པ།། མཐོང་བྱ་ཀུན་ལ་མུན་པས་བསྒྲིབས།། ནམས་ཀྱང་སྣང་བར་མི་འགྱུར་ཏེ།། ལོང་པའི་གྲོང་ཁྱེར
219a5 ཆེན་པོར་འགྲོ།། སྒྲོན་མ་འབར་བ་གང་བསྲེལ་བ།། ཀུན་ལ་མུན་པ་སངས་གསལ་བའི།། མ་ནོར་མ་བཅོས་དེ་བཞིན་ཉིད།། སྒྲོན་མ་དམིགས་བུས་མཐོང་བར་འགྱུར།། དེ་ལྟར་དམ་པའི་གྲོགས་པོ་དག། རིན་ཆེན
219a6 སྒྲོན་མ་འབར་བའི་མེ།། མུན་སྣང་དམིགས་བུར་མ་བསྲེལ་བར།། དེ་ཉིད་གསར་མཐོང་ག་ལ་རིགས།། གྲོགས་པོ་དག་དེ་དག་ནི་སྒྲོན་མ་དམ་པ་བསྲེལ་བར་བྱའོ་ཞེས་དགོངས་པ་དམ་པ་ལེགས་པར་བགྲོས་པར
iiif viewer powered by OpenSeadragon
