| e-texts navigator |
| Wylie |
218b1 སླུ་འདྲིད་པ་ལྟར་ཡོད་མ་ཡིན།། དམ་པ་ཉིད་ཀྱི་དམ་པ་གང་།། ཆོས་ཉིད་ཡེ་ནས་སངས་རྒྱས་ལ།། དེ་མིན་ལྟ་བ་བཟློག་པའི་ཕྱིར། ཡེ་ནས་སངས་རྒྱས་ཞེས་བརྗོད་པ།། ཐ་སྙད་ཙམ་དུ་བརྗོད་པར་ཟད།། ཡེ་ནས
218b2 བརྗོད་པ་ཚིག་གི་ལམ།། ཐ་སྙད་གཉིས་དག་བྲལ་བ་ལ།། སྒྲོ་སྐུར་ཚིག་གི་སྙད་མི་གདགས།། བརྗོད་པའི་ཐ་སྙད་ཚིག་ལམ་འདས། ནམ་མཁའ་འདི་ནི་ཡོད་མེད་ཅེས།། བླུན་པོ་རྣམས་ནི་རྩོད་པར་འགྱུར།། མཁས
218b3 པ་རྣམས་ནི་དེ་ལྟ་མིན།། གང་དེ་རྩོད་ལ་ངོ་མཚར་ཆེ།། དེ་བཞིན་ཉིད་འདི་ཡོད་མེད་ཅེས།། བྱིས་པ་རྣམས་ནི་རྩོད་པར་འགྱུར།། སྐྱེས་བུ་གང་དག་དེ་ལྟར་མིན།། རྩོད་པ་ཤེས་རབ་འཆལ་བར་ཟད།། འདི་ལྟར་སྣང
218b4 བའི་ཆོས་ཐམས་ཅད།། ཡེའམ་ངང་གིས་སངས་རྒྱས་ལ།། མིན་ལས་ཡིན་པར་འགྱུར་མ་ཡིན།། ངོ་བོ་ཉིད་ཀྱི་དེ་ཉིད་ལ།། ཡིན་དང་མིན་ཞེས་ཅི་བྱར་ཡོད།། ནམ་མཁའ་འདི་ནི་མེད་དོ་ཞེས།། མི་ཤེས་གང་གིས
218b5 རྟོགས་པར་བྱེད།། གང་ཤེས་ཡེ་ནས་ཡང་མི་རྟོག། མིན་པར་མི་རྟོག་ཚིག་མི་བརྗོད།། རྒྱུ་དང་ལས་དང་རྣམ་གྲངས་ལ།། མཚན་ཉིད་ངེས་པ་ངོ་བོ་དང་།། འབྲས་བུ་དགོས་ཆེད་རེ་རེ་འབྱུང་།། འདི་ལྟར་འདིར་ནི་གང
218b6 གི་རྒྱུ།། རང་འབྱུང་དེ་ཉིད་རྟོག་དཔྱོད་བཅས།། གང་དག་གང་ལ་སྐྱེ་མཆེད་པ།། གཉིས་པོ་འདི་དག་ཉིད་ཀྱི་རྒྱུ། གང་ལས་གང་མིན་ཇི་སྙེད་པ། ཁྱད་པར་བྱེ་བྲག་ཐ་དད་པ།། ངེས་འབྱེད་འཇུག་འབྲེལ་སྦྱོར་བཅས་པ།།
iiif viewer powered by OpenSeadragon
