| e-texts navigator |
| Wylie |
217a1 མཆོག་ཉིད་དུ།། དགོངས་པ་ཀུན་ནས་འདུས་པ་གསུངས།། དེ་ཉིད་དཔག་མེད་གཞལ་ཡས་མཆོག། རྨད་འབྱུང་ནོར་བུ་ཡིད་བཞིན་ཁང་།། མ་བྱས་རང་བྱུང་ཕྱི་ནང་མེད།། ཀུན་དུ་ནང་དུ་གྱུར་པ་ཡིན།།
217a2 གང་འདིར་གང་འདུས་ཚོགས་མ་ཡིན།། དེ་ལ་དེ་ཉིད་ཚོགས་འདུས་མཆོག། ཆོས་ཀུན་བསྡུས་པས་འབྱུང་བ་མེད།། དཔག་མེད་རྒྱལ་བ་དགྱེས་པའི་མཆོག། གང་འདིར་འདོད་སྤྱོད་ཡོ་བྱད་ཡིན།། དེ་ཉིད་ཡོ་བྱད་ཆེན
217a3 པོ་སྟེ།། ལྷག་པའི་ཡོ་བྱད་འདི་ཤེས་ན།། ཡོ་བྱད་ཀུན་གྱི་རྩ་བ་ཡིན།། སྐོམ་པར་བྱེད་པ་བསྒོམ་པ་མིན།། བསམ་བྱ་དམིགས་སུ་མེད་པ་སྟེ།། དམ་པའི་གསང་ལམ་འདི་ཤེས་ན།། བསྒོམ་ལམ་དམ་པ་འདི་ཉིད་དོ།།
217a4 བསྲུང་ཞེས་བསྲུང་བར་བྱ་མི་དམིགས།། སྟོང་ཉིད་མེད་བྱུང་གསང་ལམ་འདི།། དབུས་མཐར་ཆེ་བས་ཚིག་ཤེས་ན།། བསྲུང་བའི་གསང་བ་དམ་པའོ།། ཚིག་ལམ་མཉམ་བརྗོད་མཉམ་མི་དམིགས།། གསང་འདི
217a5 ཐམས་ཅད་གཅིག་པ་ལ།། མཉམ་ཞེས་ལྷག་པར་ག་ལ་ཡོད།། དགོངས་པ་ཀུན་ནས་འདུས་དང་མཉམ།། གང་གཞན་བརྟུལ་ཞུགས་སྤྱོད་པ་ཡིན།། དེ་ལ་དེ་གཞོལ་རོལ་སྤྱོད་པས།། ཐམས་ཅད་འདིར་བརྟུལ་འདིར
217a6 ཞུགས་པས།། བརྟུལ་ཞུགས་མཆོག་ཏུ་ཀུན་འདུས་གསུངས།། ལམ་འདི་དངོས་ཉིད་སེམས་ཀྱི་གསང་།། ཡེ་གྲུབ་ཟིན་པས་གསོལ་ཐོབ་མེད།། དངོས་གྲུབ་རྒྱུན་མི་འཆད་པ་ཞེས།། དགོངས་པ་དམ་པ་ཀུན
iiif viewer powered by OpenSeadragon
