| e-texts navigator |
| Wylie |
215a1 ཞུགས་ན་ཐམས་ཅད་ནས་ཐམས་ཅད་དུ་རྣམ་པར་ཐམས་ཅད་ཀྱི་ཐམས་ཅད་དུ་ཤེས་པ་དང་། གསལ་བ་དང་། མ་འདྲེས་པ་དང་། ཡོངས་སུ་རྫོགས་པར་འགྱུར་ཏེ། འཁོར་བ་ཡོངས་སུ་ཤེས་པར་འདོད
215a2 པས་ཀྱང་ལམ་འདི་ཤེས་པར་བྱའོ།། མྱ་ངན་ལས་འདས་པ་ཡོངས་སུ་ཤེས་པར་འདོད་པས་ཀྱང་ལམ་འདི་ཤེས་པར་བྱའོ།། གཞན་ཡང་ཆོ་འཕྲུལ་ཆེན་པོ་ཉི་ཤུ་ཐོབ་པར་འདོད་པས་ཀྱང་ལམ་དམ་པ་འདི་ཡོངས་སུ
215a3 ཤེས་པར་བྱའོ།། རྟོག་པའི་རི་བོ་བརྒྱད་ཅུ་གཞིལ་བར་འདོད་ལས་ཀྱང་ལམ་དམ་པ་འདི་ཡོངས་སུ་ཤེས་པར་བྱའོ།། ལྟུང་བའི་སྒོ་དགུ་ཆད་པར་འདོད་པས་ཀྱང་ལམ་དག་པ་འདི་ཡོངས་སུ་ཤེས་པར་བྱའོ།། དེ་ལ
215a4 སོགས་པ་མཐའ་ཡས་པའི།། ཐམས་ཅད་ཐམས་ཅད་ཡོངས་རྫོགས་པའོ།། ཤེས་པར་འདོད་པ་གང་དག་གིས།། དམ་པའི་ལམ་འདི་ཤེས་པར་བྱ།། སེམས་ཉིད་དམ་པའི་ལམ་ཉིད་དེ།། མཁའ་ལ་བྱ་ལམ་རྗེས་མེད
215a5 བཞིན།། ཉམ་ང་ལོག་མེད་དམ་པའི་ལམ།། འདི་ལྟར་ངེས་པའི་ལམ་འདི་ཡང་།། ཀུན་གྱིས་ཤེས་པར་བྱ་བའི་ཕྱིར།། ཚིག་གི་ལམ་གྱིས་གཉེར་མཚོན་ཏེ།། བརྗོད་མེད་ཚིག་གི་ཡུལ་བྲལ་བ།། དེ་ཡི་རང་བཞིན་དེ་ཉིད
215a6 ན།། རང་བཞིན་མ་བཅོས་དེ་བཞིན་ཉིད།། དེ་ལ་མིག་མེད་མིང་བཏགས་རྒྱུས།། མཐོང་དང་མ་མཐོང་ཐ་དད་འགྱུར།། དེ་ལས་སྤྱོད་པའི་གཞིར་གྱུར་ཏེ།། བརྗོད་པས་དེ་ཉིད་མཐོང་བྱའི་ཕྱིར།། ཚིག་གི་ལམ་ནི་རྣམ
iiif viewer powered by OpenSeadragon
