| e-texts navigator |
| Wylie |
213b1 པའི་སེམས་འབྱུང་སྟེ།། ཤིན་ཏུ་བརྟན་པའི་སྒྲོན་མ་དང་།། བརྒྱད་པ་ལྟ་བུའི་རང་བཞིན་སྣང་།། རྟགས་ཐོབ་ཉིད་ན་འགྲུབ་ཅེས་བྱ།། ལས་སུ་རུང་བའི་སྐབས་དག་ལ།། རྫོགས་པ་ལྷག་པའི་སེམས་འབྱུང་སྟེ།། གཉེན
213b2 པོ་མེད་པའི་སྒྲོན་མ་དང་།། ཆ་ལ་རྫོགས་པ་ལྟ་བུར་སྣང་།། བརྟན་པར་ངེས་པས་གྲུབ་པ་ཡིན།། སེམས་ཉིད་ཡེ་ནས་སངས་རྒྱས་ལ།། རྟོག་པས་བསྒྲིབས་པས་དེ་མ་ཤེས།། བྱང་ཆུབ་སེམས་ཀྱི་ལྗོན་ཤིང་ལས།། བླ
213b3 མེད་འབྲས་བུ་སྨིན་པ་ཡིན།། དེས་ན་གྲོགས་པོ་དམ་པ་དག། དམ་པ་རྣམས་ཀྱི་བྱང་ཆུབ་སེམས།། ཀུན་ཏུ་རྒྱུན་དང་བཅས་པ་སྟེ།། རྒྱུན་མེད་ཆད་པ་དམ་པ་མིན།། རྒྱུན་ཉིད་ཀྱིས་ནི་ངེས་སྨིན་པ།། གང་དུ་སྨིན་པའི
213b4 སྐྱེད་ཤིང་དེ།། བྱང་ཆུབ་དམ་པ་ལྗོན་པའི་ཤིང་།། འབྲས་བུ་དམ་པ་སྨིན་ངེས་པའོ།། གྲོགས་པོ་དག་དེ་དག་ནི་ལྗོན་ཤིང་དམ་པ་བསྐྱེད་པའི་དགོངས་པ་ངེས་པར་བགྲོས་པའོ།། སངས་རྒྱས་ཀུན་གྱི་དགོངས་པ་འདུས
213b5 པའི་མདོ་ཆེན་པོ་ལས་དེ་ཁོ་ན་ཉིད་གསང་བའི་དམ་པ་ལྗོན་ཤིང་བསྐྱེད་པའི་ལེའུ་སྟེ་ལྔ་བཅུ་བརྒྱད་པའོ།། །། དེ་ནས་ཡང་ལང་ཀའི་བདག་པོ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག
213b6 གིས་དྲི་བ་ཡོངས་སུ་དྲིས་པ།། ཀྱེ་གསང་བ་པའི་བདག་པོ་དམ་པ་རྣམས་ཀྱི་རྗེས་སུ་འཇུག་པར་བྱའོ་ཞེས་དམ་བཅའ་བར་དགོངས་པ་དེ་དམ་པ་རྣམས་ཀྱི་རྗེས་སུ་ཇི་ལྟར་འཇུག་པར་བགྱི། དེ་ཇི་ལྟར་ཡོངས་སུ་ཤེས
iiif viewer powered by OpenSeadragon
