| e-texts navigator |
| Wylie |
211b1 ཡང་།། དམ་པའི་ཆེད་དུ་སྙན་སྨྲ་ལས།། གཞན་དུ་ཁ་གསག་གཞ་མིན།། བརྗོད་པ་ཐམས་ཅད་ངེས་པ་ཉིད།། གསོང་པོར་སྨྲ་ཞིང་ཚིག་མི་འགྱུར།། ཇི་ལྟར་བརྗོད་པ་དེ་བཞིན་བྱ།། ཐམས་ཅད་ཀུན་ཏུ་སྨྲ་མ་ཡིན།།
211b2 གང་བརྗོད་དོན་དང་འབྲེལ་བར་བྱ།། སྐབས་དང་དགོས་ཆེད་མ་གཏོགས་པ།། རྣམ་པར་འཆལ་བར་བྱ་བ་མིན།། ཀུན་ལ་དཔེས་མཚོན་ཐོག་ཏུ་དབབ།། ཐམས་ཅད་ཚད་པས་ཚད་མར་བྱ།། མ་བཅོས་ངང་གི་རྣལ
211b3 འབྱོར་པ།། རྡོ་རྗེ་ངག་གི་སྤྱོད་པར་བཤད།། རྡོ་རྗེ་ཡིད་ཀྱི་སྤྱོད་ཡུལ་ནི།། མ་བཅོས་མ་གཡོས་བསམ་དང་བྲལ། མི་གཡེང་མ་རྨུགས་གསལ་ཞིང་གནས།། འདོད་ལ་མ་ཆགས་སྒྲོ་སྐུར་བྲལ།། བླང་མེད་དོར་མེད
211b4 ཆགས་སྡང་མེད།། འཆབ་བཅོམ་མེད་དེ་རྙེད་འབྱོར་མིན།། ཕྱོགས་བྲལ་མུ་མེད་ཡོངས་སུ་དག། གོ་བགོས་ལམ་ཉིད་དྲང་པོར་སོང་།། དུག་འགྱུར་སྨན་བསྲེལ་མཚོན་ཆར་ལྡན།། རྡོ་རྗེ་རྫོང་ལ་ཞེན་པ་དང་།། ཡིད
211b5 བཞིན་ནོར་བུ་བློ་གྲོས་ལྡན།། གང་དུ་མི་འགྱུར་གང་མི་འགྱུར།། དབྱིངས་འདིར་ཀུན་དང་གཅིག་པ་དང་། གང་གི་བློ་ལ་མངོན་པའི་ཕྱིར།། ཡོངས་སུ་མཛེས་དང་བག་ཡོད་དང་།། དེ་ཉིད་དབང་ལས་ཁྲེལ་ཡོད་དང་།།
211b6 དེ་ལ་ངའམ་ང་མེད་པས།། ཀུན་ལ་ཡོངས་སུ་ལྡན་པ་དང་།། ཐམས་ཅད་བདེ་བས་ངེས་པ་དང་།། གང་འདི་སྟོང་པས་ཅིར་མི་རྟོག། དེ་ཉིད་ཞི་བས་འཁྲུལ་མེད་དང་། གང་ནས་ཅི་ཡང་མི་འབྱུང་བས།། གཞན་དུ་ཚོལ
iiif viewer powered by OpenSeadragon
