| e-texts navigator |
| Wylie |
211a1 པ་མ་ཡིན་པས།། ལུས་འདི་རྣལ་མས་གནས་པར་བྱའོ།། རྣལ་འབྱོར་ངེས་པའི་བསམ་གཏན་པས།། རྡོ་རྗེ་སྔགས་ཀྱི་ཁ་ཟས་ནི།། ལུས་ཟུངས་འཛིན་པའི་རྟེན་ཙམ་དུ།། གར་ལྡན་འབྱོར་ལྡན་མ
211a2 གཏོགས་པ།། ཟས་ཕྱིར་ཆེད་དུ་བསྒྲུབ་མི་བྱ།། མཆོག་དང་ཉམ་ཕྱིར་ག་ལ་ཡིན།། མ་བཅོས་རྣལ་མ་ཇི་བཞིན་བཟའི།། འཚོ་བའི་ཆེད་དུ་བཅོས་མི་བྱ།། ཆགས་དང་མ་ཆགས་སྤང་བླང་མེད།། བླང་བར་བྱ་བ་མ་ཡིན
211a3 ཞིང་། སློང་མོས་འཚོ་བར་ཡོང་མི་བྱ།། ཅིའི་ཕྱིར་དེ་ནི་མི་འགྱུར་ཕྱིར།། འཚོ་བ་ཡོངས་སུ་མ་དག་པའོ།། མཚམས་མེད་པ་ལས་མཚམས་གཅོད་པ།། འདི་ནི་རྣལ་འབྱོར་ཅན་གྱི་ལས།། ཤེས་བྱ་ནང་གི་ཆོས་ཉིད་ལ།།
211a4 རྣལ་འབྱོར་དོན་དུ་འཇུག་པ་ན།། ཕྱི་ཡི་འདུ་འཛི་གཡེང་བ་ཡིས།། བར་དུ་གཅོད་པ་བསལ་བའི་ཕྱིར།། ཕྱི་དང་ནང་གི་སོ་མཚམས་སུ།། འགྲོ་འོང་འདྲུལ་རྣམས་གཅད་པར་བྱ།། གང་ལ་གནས་གཞི་རྟེན་མེད་པས།།
211a5 གནས་བདེར་ལུས་བཅོས་ཁ་ན་མེད།། ཞེན་པས་སྤྱོད་ལམ་བཅོས་བྱེད་པ།། དེས་ནི་ལུས་བཅོས་བསླད་པ་ཡིན། བསམ་གཏན་ལུས་དབེན་བཅོས་མི་བྱ།། དེ་ལ་དེ་དབེན་མ་བཅོས་པ།། དེ་ཉིད་ཡེ་ནས་དབེན་པའི
211a6 གནས།། འདི་ནི་རྣལ་འབྱོར་མཆོག་གི་ཡུལ།། རི་ཕུག་གཞལ་མེད་བཅོས་མི་བྱ།། དེ་ཉིད་དཔག་མེད་མ་བཅོས་པའི།། འདི་ནི་ཡེ་ནས་རྨད་འབྱུང་གཞལ།། བྱེད་པ་མེད་པར་རང་བྱུང་བའོ།། རྡོ་རྗེ་ངག་གི་སྤྱོད་ཡུལ
iiif viewer powered by OpenSeadragon
