| e-texts navigator |
| Wylie |
210a1 བསྲུང་བའི་ཚད་གཟུང་ག་ལ་ཡོད།། ནམ་མཁའ་ལྟ་བུའི་རྣལ་འབྱོར་པས།། ནམ་མཁའ་ལྟ་བུའི་དམ་ཚིག་བསྲུང་།། གང་འདིར་བསྲུང་མཚམས་མེད་ན་བདེ།། དེས་ནི་ཐམས་ཅད་སྲུངས་པ་ཡིན།།
210a2 ཕྱིར་ཐམས་ཅད་ཐམས་ཅད་ཀུན།། དམ་པར་ངེས་པ་ཡིན་པས་ན།། ཚད་འཛིན་ཚད་ཡོད་བྱེད་ཉིད་ཉམས།། གང་ལ་བསྲུང་དང་མི་སྲུང་བའི།། རྣམ་རྟོག་དེ་དག་མེད་ཀྱང་བླའི།། དེ་འདྲ་བསྲུང་བའི་མཚམས་འཛིན་པ།།
210a3 སྒྱུ་མ་ཡིན་པས་དམ་པ་ཡིན།། དེ་ལ་བསྲུང་ཞེས་ཞུ་ཞིག་ཟེར།། སྲུང་དང་མི་སྲུང་ཚིག་མེད་དེ།། ཆོས་ཉིད་དེ་ལ་བླང་དོར་བྱེད།། དམ་པར་གྱུར་པ་ག་ལ་ཡིན།། བསྲུང་དང་མི་སྲུང་ཆོས་རྣམས་ནི།། སྲུང་དུ་མེད་པས་དེ
210a4 བཞིན་གཤེགས།། དེ་བཞིན་ཉིད་ཀྱི་དོན་དམ་ལ།། ཇི་བཞིན་པ་ཡི་བློ་བཞག་སྟེ། བརྗོད་པ་མེད་པའི་དམ་ཚིག་གིས།། བསྲུང་མཚམས་མེད་པའི་ངང་དུ་བསྡམ།། བསྲུང་མེད་ནམ་མཁའི་དམ་ཚིག་འདི།། ཇི་ལྟར
210a5 གྲགས་པའི་རང་བཞིན་ལ།། སྡོམ་དང་ཚུལ་ཁྲིམས་སོ་སོར་སྣང་།། འཇིག་རྟེན་པ་ལ་ཆད་མདོ་བཙན།། བྱིས་པ་རྣམས་ལ་ཚུལ་ཤེས་པ།། ནར་སོན་པ་ལ་སྡོམ་པར་གྲགས།། བླ་མེད་མཆོག་ལ་དམ་པར་སྣང་།།
210a6 གཅིག་གི་དོན་ལས་མ་གཡོས་ཀྱང་།། འདུལ་བའི་ངོ་ལ་སོ་སོར་གྲགས།། དེ་བཞིན་ཉིད་ལྡན་དམ་པ་སྟེ།། དེ་ལས་འདས་ན་ཚིག་པར་འགྱུར།། གཅིག་བསྲུངས་པས་ན་ཀུན་བསྲུངས་པའི།། དམ་པའི་དམ་ཚིག་ཆེན
iiif viewer powered by OpenSeadragon
