| e-texts navigator |
| Wylie |
208b1 དེ་ལ་ཞེན་ངེས་བློ་བརྟན་ཞིང་།། གང་དང་འབྲེལ་བས་ལྟ་བའི་ཐག་ཆོད་ན།། དམན་པའི་ལུས་ལ་དམ་པའི་གོ་འཕང་ཅན།། དབང་ཕྱུག་ཡིན་པས་དེ་ལ་གུས་ཕྱག་འཚལ།། གཡོ་སྒྱུ་མེད་པའི་ཡོ་བྱད་ཆེན་པོ་ལྔས།།
208b2 དབང་པོའི་སྤྱི་གཙུག་ནོར་བུ་བཞིན་དུ་ལྟ།། ཀུན་ནས་འདུས་པའི་དགོངས་པ་ཚིག་གསུམ་པོ།། ཡིད་ཆེས་ངེས་པས་བློ་ཡི་གདེང་དུ་བྱ།། ཚིག་གསུམ་དོན་ལ་ངེས་རྙེད་མངོན་དུ་འགྱུར།། ངེས་པའི་དོན་ནི་རང་རིག་ཁོ
208b3 ནར་ཟད།། གསང་བའི་བདག་པོས་དེ་སྐད་ཅེས་སྨྲས་པས།། ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཀྱིས་ཆོས་ཐམས་ཅད་ཀྱི་རྩ་བ་གཏན་ལ་ངེས་པར་ཕེབས་པར་གྱུར་ཏོ།། སངས
208b4 རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཆོས་ཐམས་ཅད་ཀྱི་རྩ་བ་གང་སྣང་བ་དག་པའི་སྤྱོད་ཡུལ་བསྟན་པའི་ལེའུ་སྟེ་ལྔ་བཅུ་དྲུག་པའོ།། །། བམ་པོ་དགུ་པ་ཟུག་པ། དེ་ནས་ཡང་ལང་ཀའི་བདག
208b5 པོ་ལ་སོགས་པ་དམན་པའི་ལུས་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱིས་གསང་བ་པའི་བདག་པོ་ལ་ཡང་གང་གི་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་འདིར་ཉིད་ཀྱིས་ཆོས་ཀྱི
208b6 རྣམ་གྲངས་བཅུར་བཀོད་པ་ལས་རང་བཞིན་མ་བཅོས་པར་བྱའོ་ཞེས་ཐོས་ན་དེ་ཇི་ལྟར་ཡོངས་སུ་ཤེས་པར་བྱ། རང་བཞིན་ནི་གང་།། གང་ལྟར་ན་མ་བཅོས་དེ་གང་གི་རང་བཞིན་ལགས།། དེ་སྐད་ཅེས་གསོལ་པ
iiif viewer powered by OpenSeadragon
