| e-texts navigator |
| Wylie |
208a1 ཡང་མི་སྣང་བ་ཉིད་སྐྱོན་མེད་འདོད།། དེ་ནི་འཁྲུལ་པ་ཡིན་པས་བཏུབ་མ་ཡིན།། མཐོང་དང་མ་མཐོང་སྣང་ལ་རང་བཞིན་མེད།། ཀུན་འདུས་གསང་བའི་དགོངས་སྤྱོད་ཟབ་མོ་ནི།། རང་བྱུང་རང་རིག
208a2 མངོན་སུམ་སྣང་དུས་ན།། རང་བྱུང་ཡེ་ཤེས་དེ་ཉི་མཐོང་ཞེས་བྱ།། དེ་ལྟར་དགོངས་པ་དམ་པ་མཐོང་བའི་ཚེ།། རྟོག་ཆགས་ཀུན་སངས་མཐོང་ཡུལ་འདས་པ་སྟེ། བྱ་མེད་སྣང་མེད་མི་བཙལ་བཞག་པའོ།། དམིགས
208a3 པའི་ཡུམ་མང་ཆོས་ལམ་ཆགས་པ་སྤངས།། མཐོང་ཚོར་བདེ་ལམ་མུ་མེད་བདལ་བའི་དབྱིངས།། གང་འགྱུར་གང་སྣང་དེ་ལས་གར་མ་གཡོས།། དེ་ཡི་གཏན་ཚིགས་དེ་བཞིན་ཉིད་ཀྱིས་གསལ།། དེ་ཡི་དོན་ལ་ཀུན
208a4 འདུས་དཔྱོད་མི་མཛད།། ཆོས་ཀུན་རང་འབྱུང་རང་རིག་ཡེ་ཤེས་སྣང་།། དེ་དོན་མ་སྐྱེས་མ་བྱུང་མ་སྐྱེས་ཏེ།། རྒྱུ་དག་འབྲས་བུར་བཏགས་པ་ཡང་ཡེ་མེད།། དེ་ལྟར་གང་རིག་དེ་ཉིད་ཚོགས་གཉིས་རྫོགས།། དོན་ལ
208a5 མ་བཞག་བློ་བཅོས་སྤྱོད་ཉིད་ནི།། དེ་དག་འགལ་ཞིང་དེ་དག་ཕྲད་མི་འགྱུར།། དེ་ལས་ངེས་བློ་ཁྱབ་པར་བཏང་བ་ནི།། དེ་དག་མི་འགལ་དེ་ཉིད་ངེས་པ་སྟེ།། རང་རིག་དུས་ན་དེ་ལ་གཉིས་སུ་མེད།། སྙིང་པོ་དེ
208a6 ཉིད་རྒྱུ་འབྲས་ལྷུན་གྱིས་གྲུབ།། དེ་ཡི་དུས་ན་དོན་དམ་མཉམ་དྲོད་རྫོགས།། སྣང་དང་མི་སྣང་རྟག་ཆད་ལ་སོགས་པ།། ཉམ་དྲོད་ངེས་པས་དོན་གྱི་གཏིང་ཕོར་ཏེ།། ཐ་དད་ཕྱོགས་ཀྱི་ཐེ་ཚོམ་འདི་བཅད་པའོ།། དེ་ཉིད
iiif viewer powered by OpenSeadragon
