| e-texts navigator |
| Wylie |
207b1 དེ་ལ་ཡེ་ནས་འདུ་འབྲལ་མེད་བཞིན་དུ།། མི་མཉམ་མཉམ་པའི་སྤྱོད་ཡུལ་ཅིར་སྣང་ཡང་།། ཇི་བཞིན་ཉིད་འདི་མ་ཡིན་གང་ཡང་མེད།། དེ་ཉིད་དེ་ལ་ཚོགས་རྫོགས་ཐབས་ཤེས་འབྲེལ།། དེས་ན་དམ་པ་འདུས་པའི
207b2 དགོངས་པ་རྣམས།། དོན་དམ་མ་བཅོས་སེམས་ཉིད་དེ་ལ་འདུས།། སེམས་ཀྱི་རང་བཞིན་མ་བྱས་རང་བྱུང་བས།། ཏིང་ངེ་འཛིན་ཞེས་དམིགས་པ་ཀུན་དང་བྲལ།། འདི་ལྟར་ངེས་པའི་བྱང་ཆུབ་སེམས་དེ་ལ།།
207b3 བགྲོད་པའི་གནས་དང་ལྟ་བའི་གཟུགས་མེད་པས།། མཚན་མ་ཀུན་མཁྱེན་སྐྱོན་ཡོན་ཡང་ཡེ་མེད།། ཐེག་ཆེན་གཉིས་རྫོགས་ཐེ་ཚོམ་ཀུན་བཅད་ཅིང་།། བླ་མེད་རྫོགས་པ་ཆེན་པོར་ལ་བཟླས་པའོ།། དེ་ན་མཐའ
207b4 དཔུང་འབྱེད་པ་ཆ་ཕྲ་བ།། མཐའ་དབུས་འབྱེད་པ་ཉིད་དུ་ཀུན་གཅིག་སྟེ། ཁྱད་པར་འཕགས་པའི་དོན་དུ་ཀུན་འདུས་གསུངས།། རྒྱུར་འདོད་ལས་སོགས་ཕྱི་ནང་ཡུལ་དག་ལ།། དགའ་བའི་མཚན་མ་ཙམ་དུ་གནས་པ
207b5 དང་།། གང་དག་སྤྱོད་པས་ཆོས་རྣམས་སེམས་སུ་འདུས།། མཐའ་གཉིས་ངང་གིས་གསལ་ཞེས་སྨྲ་བ་ཡང་།། ལ་བཅད་མཐོང་བས་གུད་ན་ཡོད་མེད་དོ།། གལ་ཏེ་ཡོད་པར་འདོད་ན་སྐྱོན་ཆེན་ཡིན།། དེས་ན་བསམ
207b6 གཏན་སོ་སོ་ཅི་སྣང་ཡང་།། བྱིས་པའི་སྤྱོད་ཡུལ་འཁྲུག་པ་ཉིད་སྣང་ཡིན།། དམ་པ་དམན་པ་སྒྱུ་མ་སྨིག་རྒྱུའི་ཚུལ།། རང་བཞིན་སྐྱེ་འགག་མེད་པས་ནམ་མཁའ་བཞིན།། དེར་ནི་ཀུན་འདུས་ཀུན་ལ་མཐོང་བ་མེད།། ཅི
iiif viewer powered by OpenSeadragon
