| e-texts navigator |
| Wylie |
207a1 གང་དང་གང་ཞིག་གིས།། ཅི་ལའང་མི་ལྟ་དེ་ལ་ཞེན་པར་བྱ།། དེས་ན་བྱས་ཟིན་བཙལ་མེད་དེར་ངེས་ནས།། རང་བྱུང་ཡེ་ཤེས་ཡོངས་སུ་དག་ཅེས་བྱ།། དེས་ནི་ཟིན་ཆགས་བདེ་སྡུག་ཅི་བྱུང་བ། ཚོགས
207a2 གཉིས་མ་བསགས་རྫོགས་པར་དམ་བཅའོ།། མི་རྟོག་ཏིང་འཛིན་མཚན་མ་རྣམ་དག་པ།། ཆོས་ཉིད་མངོན་འགྱུར་ཆེ་ཡོན་རྒྱུན་མི་འཆད།། སྒྲིབ་པ་གཉིས་བྱང་ཚོགས་ཆེན་རྫོགས་པས་ན།། གང་གི་ཕྱོགས་རྣམས
207a3 མཐུན་པར་ས་རྣམས་ནོན།། འདི་ནི་ཀུན་འདུས་དགོངས་སྤྱོད་ཟབ་མོ་ཡིན།། གང་དག་ཀུན་གྱི་སྤྱོད་ཡུལ་མ་ཡིན་ནོ།། གང་གིས་གང་ལྟར་དེ་ཡི་དོན་མཐོང་ལྟར།། གང་དག་འཁྲུལ་པ་རྣམས་ཀྱིས་མ་མཐོང་བས།།
207a4 གདོད་ནས་ཞེན་པའི་མུན་པ་སངས་དཀའོ།། ས་དང་ས་ཡི་ཁྱད་པར་ཡོད་ཅེས་པ།། མཐོང་དང་མ་མཐོང་གཉིས་མེད་གསལ་དུས་ན།། དམ་པའི་དགོངས་པ་ལྷུན་གྱིས་གྲུབ་ངེས་པའོ།། སྟོང་དང་མ་སྐྱེས་རང་བཞིན
207a5 ཁྱད་པར་ཅི།། ཡོད་མེད་རྟག་ཆད་བྱ་བཙལ་ལ་སོགས་པ།། ཀུན་ནས་ལྷུན་གྱི་གྲུབ་པར་ཡེ་གནས་པའོ།། རྒྱུ་དང་འབྲས་བུ་ཅིར་སྣང་ཅིར་སྲིད་ཀྱང་།། ཆོས་ཉིད་དེ་བཞིན་ཉིད་ཀྱི་རྒྱན་དུ་སྣང་།། དེ་ཉིད་མ་བཀག
207a6 ཡོངས་སུ་རྫོགས་པའི་ཚུལ།། གོང་འོག་ལ་སོགས་སྐྱོན་ཡོན་གཉིས་པོ་དག། མཐོང་དང་མ་མཐོང་རེ་རྩོལ་རྐྱེན་ཙམ་གྱིས།། རྒྱུ་འབྲས་སོ་སོར་གསལ་ཞེས་སྨྲ་བ་ཡང་།། ཐམས་ཅད་དེ་བཞིན་ཉིད་དུ་གཅིག་པར་ཟད།།
iiif viewer powered by OpenSeadragon
