| e-texts navigator |
| Wylie |
206b1 ནས་དེ་ལྟར་གྱུར་ན་ཡང་།། བློ་བུར་ལས་ལམ་མི་དགག་དེ་བཞིན་སྤྱད།། དེས་ན་ཀུན་གྱི་རང་བཞིན་དེ་ཉིད་འདུས།། དེ་ལ་བསམ་མེད་དམིགས་མེད་དེར་བཞག་ན། ཅིར་སྣང་ཅིར་སྲིད་མཚན་མེད་དེ་གཅིག་པ།། སྐྱེ
206b2 འགག་མེད་པའི་དེ་ཉིད་ཡེ་སངས་རྒྱས།། དེ་ཉིད་མ་ཡེངས་པས་ན་མ་བསལ་ཡང་།། རྫོགས་པ་སྤྱིར་ཆིབས་ཉིད་ཡེ་ནས་ནོན།། དེ་ཉིད་ནམ་དྲོད་ཉམས་སུ་གསལ་ན་ཡང་།། ཆོས་ཀུན་སྒོ་དང་མི་འགལ་བསྟན
206b3 པའི་ཕྱིར།། ཏིང་འཛིན་གསུམ་ལྡན་གོལ་སའི་སྒོ་བཀག་ནས།། དྲོད་ཆེན་གསུམ་གྱིས་དམ་པའི་དགོངས་པ་མྱོང་།། དེས་ན་ཏིང་འཛིན་རྣམ་གསུམ་ཉམས་རྙེད་པས།། འབྲས་བུ་ཕ་རོལ་ཕྱིན་དྲུག་རང་བཞིན་རྫོགས།།
206b4 སེམས་ཉིར་མ་བཅོས་ནམ་མཁའ་ངང་ལ་གཞག། དེས་ན་དྲན་ཅིང་རྟོག་པ་ཅི་བྱུང་ཡང་།། དེ་བཞིན་མ་བཅོས་ཉིད་ཀྱིས་ལ་བཅད་པས།། ངང་གིས་མ་བཅོས་ཡང་གིས་འོད་གསལ་བ།། གསང་བ་འདུས་པ་རྣམས་ཀྱིས
206b5 ཡིན་པར་བསྔགས།། མ་ཡེངས་སྐྱེ་འགག་མེད་ཉིད་ཏིང་འཛིན་ཏེ།། རྣལ་འབྱོར་གསུམ་དོན་དེ་ཡི་སྐབས་ན་རྫོགས།། དེས་ན་ཀུན་གྱི་བཤེས་གཉེན་དགོངས་བརྒྱུད་ནས།། དམ་པའི་དོན་དུ་སེམས་ཉིད་ཤེས་པར
206b6 བྱ།། དེ་ཉིད་རྡོ་རྗེ་སེམས་དཔའ་ཡིན་པས་ན།། གང་གིས་འདི་མཐོང་དེ་ཡི་ཞལ་མཐོང་ཡིན།། དེ་མཐོང་ཕན་ཆད་དམ་པ་ཉིད་ཡིན་པས།། དེས་ན་ཀུན་གྱི་བཤེས་གཉེན་ཡིན་པར་གྲགས།། དེ་ལྟའི་དོན་མཐོང
iiif viewer powered by OpenSeadragon
