| e-texts navigator |
| Wylie |
206a1 ཞིང་ཁམས་ན་ངང་གིས་བཞུགས་པ་དེའི་ཚེ་དེའི་དུས་ན་གང་དཔག་ཏུ་མེད་པའི་རྒྱལ་བ་དག་དགོངས་པ་ཀུན་ནས་འདུས་པ་དག་ལ་གང་སྣང་བ་ཡོངས་སུ་དག་པའི་སྤྱོད་ཡུལ་དུ་དགོངས་ཏེ། དེ་ཁོ་ན
206a2 ཉིད་སྣང་བ་དེ་ཁོ་བོས་ཕྱིན་ཅི་མ་ལོག་པར་ཡོངས་སུ་བགྲོ་བར་བྱའོ།། ལང་ཀའི་བདག་པོ་འདི་ལྟ་སྟེ། མུན་ཁུང་གསེར་སྟོར་སྒྲོན་མས་རང་སྣང་ལྟར།། མ་རིག་མུན་པར་སེམས་སྟོར་རང་སྣང་བ།། དགོངས་པ་ཀུན
206a3 ནས་འདུས་པའི་རྩ་བ་འདི།། སྔ་རབས་འདས་པའི་དགོངས་པ་འདུས་ནས་གསུངས།། ཆོས་ཀུན་རྩ་བ་སེམས་འདི་ཉིད་ལ་འདུས།། སེམས་ཉིད་གནས་འགྱུར་ཡེ་ཤེས་ལྔར་སྣང་བ།། དེ་ཉིད་དོན་ལ་ངེས་པར་བཞག
206a4 པས་ན།། སེམས་ཉིད་གནས་འགྱུར་བ་ཡང་དེ་ཉིད་ཡིན། ཡེ་ཤེས་ལྔ་ཉིད་དེ་ལ་རྫོགས་པས་ན།། ཡེ་ཤེས་ལྔ་ཡང་གཅིག་ཏུ་འདུས་པ་ཡིན།། སེམས་ཀྱི་ཆོས་ཉིད་ཇི་བཞིན་དེ་རྟོགས་ན།། ཡེ་ནས་སངས་རྒྱས་མ་ནོར་མ
206a5 བཅོས་པར།། བད་ལ་ཁྱབ་ས་ཉིད་ནོན་པས་འདུས་པར་གསུངས།། གནས་སྐབས་དེ་ན་ཡོད་མེད་ལྟ་མཐར་ཟུག། སེམས་ཀྱི་དེ་བཞིན་ཇི་ལྟར་ཡིན་པ་དང་། དེང་རྒྱུན་ཡོད་མེད་ཞེས་པར་བྱ།། དེ་བཞིན་ཉིད་ལ་གང
206a6 འདིར་ཇི་ལྟར་བལྟ།། དེ་ཉིད་སྣང་བ་ཡིན་ནམ་མི་སྣང་བ།། འོ་ན་སངས་རྒྱས་ཡིན་ནམ་སངས་རྒྱས་མིན།། དེ་ལས་གཞན་ན་སངས་རྒྱས་ཡོད་དམ་མེད།། འདི་ལྟར་ཅིར་བཞག་གྲོས་ཀྱིས་ཆོད་པར་བྱ།། འདི་ལྟར་ངེས
iiif viewer powered by OpenSeadragon
