| e-texts navigator |
| Wylie |
205b1 པོའི་བཀའ་ལུང་ཡིན།། ཞུས་ལན་ཕྲ་མེན་འཕེལ་རྒྱས་ན། སྐྱེས་བུ་རྒྱལ་པོའི་བཀའ་རྒྱུན་ཡིན།། ཐབས་ཆེ་ཚེགས་ཆུང་དོན་དཔག་མེད།། བྱ་སླ་དཔག་དཀའ་མན་ངག་དམ།། དེ་ཉིད་ངེས་པ་དེ་ཁོ་ན།། མ་བསླད་ཇི
205b2 བཞིན་བཅད་པ་ལུང་།། བཅས་གཞི་གཏམ་རྒྱུད་ལས་རྒྱུད་དང་། རྟོག་ཅེ་ན་ཡན་ལག་འབྲེལ་བཅས་རྒྱུད།། གསུམ་དུ་སྣང་ལ་གཅིག་ཏུ་ཟད།། དབྱེར་མེད་ཚུལ་གཅིག་རང་བཞིན་ལ།། རྩལ་དང་རྣམ་པར་སྣང་བ་དག
205b3 གཅིག་སྟེ་རྣམ་པ་ཡོངས་ཀྱིས་མེད།། དེ་སྐད་གསང་བ་མཆོག་དེས་བཤད།། ལས་ཀྱིས་བསྐྱངས་པ་གང་དག་ལ།། གང་འདིར་མུན་པའི་ཕྱོགས་བཤད་པ། གོ་ཆ་བགོས་པར་ཤེས་པར་གྱིས།། སངས་རྒྱས་ཀུན་གྱི
205b4 དགོངས་པ་འདུས་པའི་མདོ་ཆེན་པོ་ལས་ཆོས་ཐམས་ཅད་ཀྱི་རྩ་བ་གང་གི་མུན་པའི་སྤྱོད་ཡུལ་བསྟན་པའི་ལེའུ་ལྔ་བཅུ་ལྔ་པའོ།། །། དེ་ན་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས།།
205b5 གསང་བ་པའི་བདག་པོ་ལ་ཡང་ཡོངས་སུ་དྲི་བ་དྲིས་པ།། ཀྱེ་གསང་བ་པའི་བདག་པོ་རྩ་བ་གང་ལ་གང་གི་སྣང་བ་ཡོངས་སུ་དག་པའི་སྤྱོད་ཡུལ་གང་ལགས།། དེ་སྐད་ཅེས་གསོལ་པ་ལས།། གསང་བ་པའི་བདག
205b6 པོས་སྨྲས་པ། ལང་ཀའི་བདག་པོ་གང་ཡོངས་སུ་དག་པའི་དྲི་བ་དེ་ནི་ལེགས་སོ།། ཤིན་ཏུ་ལེགས་སོ།། ལང་ཀའི་བདག་པོ་དེ་ཀུན་འདི་ལྟར་བཅོམ་ལྡན་འདས་ངོ་བོ་ཉིད་དག་པ་སྟེ། ཡོངས་སུ་དག་པ་ཞེས་བྱ་བའི
iiif viewer powered by OpenSeadragon
