| e-texts navigator |
| Wylie |
205a1 དུ་མི་འཆོས་རང་བཞིན་བླུན།། གསུམ་གསུམ་ཉིད་དང་རྐྱེན་གསུམ་དུས།། འདོད་ཁམས་ཡོངས་སུ་རྫོགས་པ་ཡིན།། ལང་ཀའི་བདག་པོ་དེ་དག་ནི་མདོ་བཞི་ཞེས་བྱ་སྟེ། དེས་དེ་ཡོངས་སུ་དགྲོལ་བར
205a2 ཤེས་པར་བྱའོ།། ལང་ཀའི་བདག་པོ་དེ་ལ་རྩ་བ་གསུམ་གང་ཞེ་ན། འདི་ལྟ་སྟེ། དངོས་པོ་རྩ་བ་དང་། བརྗོད་པའི་རྩ་བ་དང་། ཐམས་ཅད་པའི་རྩ་བའོ།། ལང་ཀའི་བདག་པོ་དེ་ལ་དངོས་པོའི་རྩ་བ་ནི་ཅི་ཡང་མེད་པ
205a3 ལས་ཅིར་ཡང་སྣང་བའོ།། བརྗོད་པའི་རྩ་བ་ནི་ཅི་ཡང་མེད་པ་ལས་ཅིར་ཡང་འགྱུར་བའོ།། ཐམས་ཅད་པའི་རྩ་བ་ནི་གང་ཅི་ཡང་མེད་པ་ལས་ཅི་ཡང་རིག་པ་ཉིད་དོ།། ལང་ཀའི་བདག་པོ་དེ་དག་ནི་རྩ་བ་སྟེ། དེས
205a4 ཐམས་ཅད་ངེས་པར་འབྱིན་པའོ།། ལང་ཀའི་བདག་པོ་དེ་དག་ནི་འདི་ལྟ་སྟེ། ཆོས་ཀྱི་རྒྱལ་པོ་གང་གསུངས་པ།། ཐུགས་དང་ཞལ་དང་ཞུས་ལན་གསུམ།། དོན་དང་ལུང་དང་རྒྱུད་ཅེས་པ།། གང་འདིར་གསུམ་དུ
205a5 གྲགས་པ་ལ།། གང་དག་འདི་ལ་རྣམ་རྟོག་པ།། ཆོས་ཀྱི་རྒྱལ་པོའི་གསུང་གཅིག་ལ།། རྒྱུད་དང་ལུང་དང་དོན་དམ་ཞེས།། གསུམ་དུ་སྣང་བ་འདི་ཇི་ལྟ།། སྙམ་དུ་རྟོག་པ་དེ་གང་དྲུག། ཉིད་ཀྱིས་མཁྱེན་ཏེ་དེ་གསལ
205a6 བར།། དགོངས་ཏེ་གསུམ་ཉིད་རྣམ་པར་གསུངས།། གང་དེ་སྐབས་དང་སྐབས་འཕྲོས་པའོ།། སྐྱེས་བུའི་ཐུགས་ལ་གང་གནས་པ།། ཞལ་དུ་མ་བྱུང་དོན་དམ་ཉིད།། གསུང་གི་འབྱུང་བས་དེ་མཚོན་ན།། སྐྱེས་བུ་རྒྱལ
iiif viewer powered by OpenSeadragon
