| e-texts navigator |
| Wylie |
204b1 གནས་དུས་བརྒྱད་ཉིད་དེ།། མེར་མུར་ལྟར་མཁྲང་ཡན་ལག་འགྱུར།། དེ་ལ་དེ་ཕྱིར་འབྱུང་བ་དང་།། དབང་པོ་དང་ནི་མཚན་འདོད་པའོ།། ཡོངས་སུ་རྫོགས་པའི་དུས་དེ་ན།། བདུན་ཕྲག་པ་ཡི་རླུང་བྱུང་སྟེ།། གང་གི
204b2 ནད་ནི་སྐྱེད་པར་བྱེད།། འབྱུང་བའི་ཆར་གཏོགས་རླུང་འབྱུང་བས།། གཡོ་འགུལ་ཅན་དུ་འགྱུར་བ་སྟེ། སྲིད་འབྱུང་ལུགས་སུ་ཇི་བཞིན་བཟློག། དེ་དག་དེ་ན་གནས་པའི་ཡུན།། བདུན་ཕྲག་སུམ་ཅུ་རྩ་བརྒྱད་ཀྱིས།།
204b3 ཐམས་ཅད་དེས་ནི་རྫོགས་པ་ཡིན།། གང་གི་རྩ་དྲུག་བཞི་རྫོགས་ནས།། གདོན་མི་ཟ་བར་འབྱུང་བ་ཡིན།། ལྔ་པ་འབྱུང་བའི་ཆོས་བཞི་ལ།། གང་ལས་རྣལ་འབྱོར་འབྱུང་གནས་ཉིད།། གང་འདི་དེ་དག་བཞི་ཕྲག་བཞི།།
204b4 བཅུ་དྲུག་ཆོས་སུ་གྲགས་པ་ལ།། གང་སྐྱེ་བ་དག་ཀུན་འདུས་པའོ།། འདི་དག་ལས་ཀྱི་སྐྱེ་བ་སྟེ།། ཐམས་ཅད་ཐམས་ཅད་བྱེད་པ་ནི།། ངང་རིང་མགྱོགས་པའི་ལས་ཡིན་ཞེས།། མུན་པའི་སྤྱོད་ཡུལ་པ་ཡིས་མཐོང་།།
204b5 ལས་ཀྱི་བསྒྱངས་པས་བསྒྲིབས་པ་ལ།། དགོངས་དེ་དེ་ལྟར་མདོར་གསུངས་པའོ།། ལང་ཀའི་བདག་པོ་དེ་དག་ནི་སྣང་བའི་མདོར་ཤེས་པར་བྱའོ།། ལང་ཀའི་བདག་པོ་གཞན་ཡང་དྲུག་པའི་མདོ་གང་ཞེ་ན། འདི་ལྟ
204b6 སྟེ། དེ་འདོད་བྱེད་པ་རྣམ་གསུམ་གནས།། གོ་འབྱེད་རྒྱུན་གཅིག་རྒྱུན་གཞན་བྱེད།། སོ་སོ་རིགས་སུ་བཅད་དབང་བྱེད།། དེ་ཉིད་ལྡན་པ་དེ་ཁོ་ན།། གང་གི་ངོ་བོར་བྱུང་ཙམ་ཉིད།། གང་ཡང་མ་ཡིན་དེ་དབུ་མ།། ཀུན
iiif viewer powered by OpenSeadragon
