| e-texts navigator |
| Wylie |
202b1 བཞིན།། དུས་དེར་དེ་ལ་མངོན་པར་དགའ།། སྔོན་ཚེའི་ལེགས་ཉེས་སྤྱད་པའི་ཡུལ།། ཀླུང་དུ་གང་གྱུ་དེ་ཉིད་སྣང་།། དེ་དག་རྨི་ལམ་བཞིན་མཐོང་ནས།། མཐོང་ཉིད་ཡུལ་དུ་མངོན་པར་གྱུར།། དེ་ཚེ་འཁྲུལ་པའི
202b2 གཟུགས་མཐོང་ལྟར།། གང་གིས་སྔ་ལྟས་འབྱུང་བར་འགྱུར།། བདེ་རྐྱེན་མི་ལྡན་པ་ཞིག་ན།། དེ་ན་གནས་དང་དེ་ནུབ་ན།། དམན་པར་འབྱུང་བའི་སྔ་ལྟས་ནི།། སྲོག་ཆགས་ལྡེམ་བུ་ལ་སོགས་པའི།། གང་དུ་འབྱུང
202b3 བའི་རིགས་མཐུན་མཐོང་།། ཅ་ཅོའི་སྒྲ་དང་འདམ་བུའི་ཐིབས།། ནགས་ཚལ་ཐིབས་པོ་ལ་སོགས་པ།། ལྡུམ་བུའི་ཚལ་དང་དྲི་སྣ་ཚོགས།། ཁང་བཟང་རྫིང་དང་འཁྲིགས་སྤྲིན་གྱིས།། ནང་དུ་འཇུག་པའི་མཚན་མ
202b4 འབྱུང་།། གང་འདིར་དག་པ་པ་ཞིག་ན།། རིགས་མཐོང་གྱུར་པའི་སྔ་ལྟས་ནི།། ཞི་བའི་ཡུལ་དང་སྙན་པའི་སྒྲ། ཡིད་འོང་དབང་པོ་ཚིམ་པ་དང་། ཁང་བཟངས་དང་ནི་གཞལ་མེད་ཁང་།། སྐྱེད་མོས་ཚལ་དང་སྣང་ཡུལ
202b5 དུ།། འབྱུང་བའི་མཚན་མ་སྣང་བར་འགྱུར།། འཁོར་ལོས་སྒྱུར་རྒྱལ་ལ་སོགས་པའི།། དག་པས་དག་པ་དེ་རིགས་མཐོང་།། དེ་ན་གནས་པའི་སྙིང་པོ་དེ།། འདོད་ལ་ཞེན་པས་ཞེན་པའི་ཕྱིར།། གང་དི་དྲི་བྱུང་དེར
202b6 འབྲངས་པས།། ང་དང་མི་ང་དྲི་འབྱུང་ཡུལ།། དེ་ལ་ཞེན་པས་ཚིམ་འགྱུར་ཏེ།། འཁྲིགས་པས་དེ་ལ་ཞེ་སྡང་འབྱུང་།། དེས་ནི་ཟར་བདུན་རྒྱུན་འགགས་བྱེད།། དེ་ཞེན་བར་དུ་དེ་ཟད་ནས།། དེས་ནི་དེ་ཉིད་དེ་རྟས
iiif viewer powered by OpenSeadragon
