| e-texts navigator |
| Wylie |
201a1 གང་ལར་གོམས་པ་ཁོ་ནར་ངེས།། གོམས་པ་ལ་གཞོལ་དེ་སྟོབས་ལྡན།། གང་མ་གོམས་པ་གསལ་བྱས་ཀྱང་།། མ་ཞེན་དབང་གིས་འགག་པར་འགྱུར།། གང་དེ་གཉིས་ལ་མཚུངས་གོམས་ན།། དེར་ནི
201a2 དང་པོར་གང་གསལ་ལམ།། གཞན་གྱིས་གསལ་བར་བྱས་པ་ལ།། ལོག་པར་མི་འགྱུར་གཞན་མི་འཇུག། བཏང་སྙོམས་ཁ་ཅིག་འབྱུང་བ་ཡིན། ཁ་ཅིག་མི་འགྱུར་རྫོགས་མི་འབྱུང་།། ཐམས་ཅད་ཀྱང་ནི་འཕོ་བའི་ཚེ།།
201a3 གང་འདིར་རྒྱུ་བ་མི་གསལ་བའི།། སྐབས་སུ་མ་བབ་པར་དག་ཏུ།། ཡུན་རིངས་དུས་ན་གོམས་པ་ཡི།། གང་ལ་གང་ཆགས་དེ་འབྱུང་ངོ་།། དེ་ལས་དེ་ཡི་དེ་དབང་གིས།། འདིར་དེ་མེད་པར་འགྱུར་ཤེས་ནས།། དེ་འདི
201a4 ཉིད་ལ་ཞེ་སྡང་སྐྱེ། གང་མ་འོངས་ལ་འཇུག་པར་འགྱུར།། ཞེ་སྡང་མེ་ཡིས་ཟིལ་མནན་པས།། གནས་པ་འདི་ཡི་རྒྱུན་འགགས་ཏེ། གང་མ་བྱུང་ལ་ཆགས་པ་དེ།། སྲིད་པ་གསུམ་གྱི་བར་བདུན་པ།། མངོན་པར་བསྒྲུབ
201a5 པའི་རྟེན་ཡིན་ནོ།། དེ་ཡི་དུས་ན་རྣལ་འབྱོར་པ།། དེ་བཞིན་དེ་ལ་གོམས་ཆེད་ཆེ།། དེ་ཚེ་ཆགས་པ་འབྱུང་མོད་ཀྱི།། གོམས་པ་གྱུར་པའི་དོན་སྟོབས་ཀྱིས།། ཆགས་པ་དེ་ཟིལ་གནོན་པ་ནི།། མི་གང་རྩལ་དང་ལྡན་པ
201a6 ཡིས།། ཤུགས་མེད་གང་དག་གནོན་བཞིན་ནོ།། བྱང་ཆུབ་རིགས་འཛིན་རྣལ་འབྱོར་ལ།། གང་ཆགས་དེ་འབྱུང་མི་འགྱུར་རོ།། གནད་ཀྱི་སྡུག་བསྔལ་མི་བཟོད་པའི།། གང་ལ་མཐོ་དམན་མ་གཏོགས་པ།། གཞན་དག
iiif viewer powered by OpenSeadragon
