| e-texts navigator |
| Wylie |
198a1 ཚོར་གང་ཤེས་གང་དེ་ཤེས།། སྐྲག་ཅིང་དངང་འཇིགས་དངོས་པོ་ཉིད།། མེ་ལོང་མེ་ཤེལ་མེ་འབྱུང་གསུམ།། གང་དང་ཕྲད་ན་དེ་བཞིན་འབྱུང་།། མེ་ལོང་མཚོ་རླབས་ས་རླབས་གསུམ།། ཇི་སྲིད་དེ་རྒྱུན
198a2 བྱུང་ཚོར་རྣམས།། དེ་ཉིད་རྒྱུ་ཡིས་རང་བཞིན་ལྔ།། མེ་འཛིན་དེ་འཛིན་འདབ་འཛིན་ལྟར།། དེ་ཉིད་དེ་ཡིས་དེ་རྒྱུན་ལ།། གང་ཞེ་ན་དེ་འཛིན་བྱེད་པ་ཡིན།། རས་དཀར་ལ་སོགས་དེ་དག་ནི།། གང་སྒོའི་དབང་དུ་དེ་དག
198a3 འདུའོ།། དེ་ཉིད་དེ་ལ་དེ་རྒྱུན་རག། གང་ཉིད་བསྒོས་པ་དེ་ཉིད་དུའོ།། གངས་དྲེགས་ལ་སོགས་དེ་དག་ནི།། སོགས་པས་དེ་དག་ཉིད་དུ་སྣང་།། དེ་རྒྱུན་འབྱུང་གང་དེ་དག་ནི།། དེ་ཡང་དེ་དག་ཉིད་དུའོ།། འོ་མ་ཆུ་དང
198a4 ས་བོན་ལས།། དེ་མི་འདྲ་བས་དེ་རྟས་ཡིན།། དེ་ཉིད་དེ་ཡི་རྒྱུན་དེ་ལས།། དེ་ཡང་དེ་ལྟར་སྣང་བ་ཡིན།། གནས་པ་དེ་དག་གང་ཡིན་པ།། དེར་འབྱུང་བ་དེ་ཉིད་དུའོ།། མྱུར་སྨིན་དུས་སྨིན་དུས་གཉིས་མིན།། ས་བོན་ཆེ།
198a5 ཆུང་འཕེལ་འགྲིབ་དེའོ།། སྤྲིན་དང་ལིང་ཐོག་མུན་པ་ཡིས།། རྫས་གང་མི་མཐོང་སྒྲིབ་པ་ལྟར།། དེ་ཡི་རྒྱུན་འཁྲིགས་མུན་པ་ཡིས།། བལྟ་བྱ་དེ་ཉིད་མཐོང་མ་ཡིན།། དང་པོ་གཉིས་དང་ཕྱི་མ་ལ།། གསལ་དང་འགགས
198a6 དང་ཐ་དད་སྣང་།། དེ་ཉིད་ཀུན་ལ་འགྲོ་བའི་ཕྱིར།། གཅིག་གིས་སྣ་ཚོགས་ཐ་དད་ལེན།། དེ་ཉིད་རྩལ་ལས་འཇུག་པ་དྲུག། སླར་འཇུག་པ་ཡང་དེ་ཉིད་ལས།། ཆར་རྒྱུན་སྨིག་རྒྱུ་ཇི་བཞིན་ནོ།། མིག་ནད་དབང་གིས
iiif viewer powered by OpenSeadragon
