| e-texts navigator |
| Wylie |
196a1 རྣམ་པར་འབྱེད་པ་ནི། འདི་དང་འདི་ཞེས་ག་ལ་ཡོད།། ཐ་སྙད་གཉིས་ཀྱིས་བསྡུས་པའི་ཆོས།། ཐམས་ཅད་ཐམས་ཅད་པ་ཉིད་དེ།། ཀུན་འགྲོ་ཀུན་འཇུག་ཀུན་ལ་སྦྱོར།། དངོས་རིག་སྣ་ཚོགས་དབྱེར་མི
196a2 རིགས།། གཡོ་བ་ཉིད་དང་རྣམ་པར་བཀོད།། ཡོངས་མྱོང་གཅོད་དང་དེ་འཛིན་བྱེད།། ལྔ་ལྡན་མདུན་དུ་ལྡན་པ་ལ།། དེ་ནི་ཀུན་ལ་སྙོམས་པ་ཡིན།། གང་ཞེ་ན་དེ་འཛིན་ཀུན་མི་གཏོང་།། གོ་སྐབས་ཡོད་པའི་ནམ
196a3 མཁའ་ལྟར།། ཆོས་ཀུན་གནས་འབྱུང་གོ་ཡོད་པ།། སྐྱེད་མིན་སོགས་དང་ལེན་པ་ཡིན།། རྐྱེད་ནི་གཉིས་དང་མི་ལྡན་ཏེ།། མ་ངེས་དེ་ཉིད་ཁོ་ན་ལ།། ཐམས་ཅད་དུ་ནི་གནས་པ་ཡིན།། རྐྱེན་ནི་གང་ཕྲད་དེ་ཉིད་དུའོ།།
196a4 ཆོས་རྣམས་རྩ་བར་གཅིག་པ་ལ།། དེ་རྒྱུན་དབང་གི་རྣམ་པ་གཉིས།། གཞི་དང་རྟེན་ཞེས་གྲགས་པ་ལ།། རྨོངས་དང་ཤེས་པའི་ཁྱད་པར་སྣང་།། གཞི་ལ་ཀུན་འགྲོ་ཀུན་ལ་རྨོངས།། རྣམ་པ་ཞེན་པའི་བསྟི་གནས་མེད།།
196a5 རྟེན་ནི་གཞི་སྦྱོར་སྣང་བ་དང་། འགྱུར་མེད་རྣམ་དག་བཙལ་མེད་གནས།། དེ་དག་རེ་ཞིང་རྒྱུ་འབྲས་གཉིས།། སྔ་མ་སྔ་མ་གང་དག་གང་།། ཕྱི་མ་ཕྱི་མ་སྨིན་པའི་རྒྱུ།། དེ་བཞིན་ཀུན་ཏུ་འཁོར་བར་འབྱུང་།། རྟེན་ལྔ་དེ
196a6 རྒྱུན་དེ་དབང་གིས།། རྣལ་འབྱོར་ལྔར་སྣང་གཉེན་པོ་ལྔ།། སྨིན་པའི་དཔེ་ལྔ་སྦྱོར་དཔེ་བཞིན།། སྐབས་ལྔ་ལམ་ལྔ་དེ་བཞིན་ས།། ལྔ་ལྔ་བསྟི་གནས་དུས་ལྔ་དང་།། གནས་ལྔ་མཐར་ཕྱིན་རྣམ་པ་ལྔ།། འདིར་དབྱེ་བ
iiif viewer powered by OpenSeadragon
