| e-texts navigator |
| Wylie |
195b1 དུ་གླེང་ཞིང་གང་བརྗོད་པ།། བློ་ལྡན་ཀུན་ལ་འདི་བརྗོད་ཀྱིས།། བླུན་པོའི་ཆེད་དུ་ཤེས་པར་གྱིས།། འདི་ཡང་འདི་ལྟར་ཡོངས་སུ་སྣང་།། ཡན་ལག་མདོ་དང་རྩ་བ་སྟེ། འབྱེད་དང་འགྲོལ་དང་འབྱིན་པ་ཡིན།། ཡན
195b2 ལག་དྲུག་ཏུ་གང་གྲགས་པ།། མཐོང་ཟོས་ཚོར་མྱོང་རེག་ཤེས་དྲུག། འབྱུང་འཇུག་གཅོད་པའི་ཡན་ལག་ཡིན།། ལང་ཀའི་བདག་པོ་མདོ་བཞི་ནི་གང་ཞེ་ན། འདི་ལྟ་སྟེ། གཞིའི་མདོ་དང་། དམིགས་པའི་མདོ་དང་།།
195b3 སྣང་བའི་མདོ་དང་། འཇུག་པའི་མདོའོ།། དེ་ཡང་འདི་ལྟར། མདོ་བཞི་གཞི་དང་དམིགས་པ་དང་། སྣང་དང་འཇུག་པ་ལུང་བཞིན་བཤད།། ལང་ཀའི་བདག་པོ་དེ་ལ་བཞིའི་མདོ་ནི་འདི་ལྟ་སྟེ། བཞི་ནི་བྱིས་པ་འདི
195b4 ལྟར་འདོད།། གཟུགས་མེད་མིང་ལ་མངོན་ཞེན་པ།། མེད་པའི་ཁམས་ནི་དེ་ཁོ་ན།། ཤེས་པར་ཀུན་གྱི་ངོ་བོར་འབྱུང་།། ཤེས་བྱ་ཉིད་དེ་ཡུལ་དུ་སྣང་།། ཐམས་ཅད་འབྱུང་བར་བྱེད་པའི་རྒྱུ།། ཡེ་ནས་ངང་གིས་མ་སྐྱེས
195b5 ལ།། མ་བཅོས་ཡང་གི་འོད་གསལ་བ།། རྒྱུ་རྐྱེན་མེད་པས་འདུས་མ་བྱས།། ཡོངས་སུ་མ་ཆད་ཡུལ་ཀུན་ལ།། ཤེས་ལ་མི་གསལ་ལྷན་ཅིག་འབྱུང་། ཁྱབ་འཇུག་བཏང་སྙོམས་དངོས་མེད་ཉིད།། རྣམ་པར་མི་རྟོག
195b6 དཔྱོད་དང་བྲལ།། མི་རྟོག་དེ་ཡི་དེ་ཉིད་ལ།། སྐད་ཅིག་སྔ་ཕྱིར་ཇི་སྙེད་པ།། རྒྱུན་དང་བཅས་པའི་ཆུ་བོ་བཞིན།། རྒྱུན་འབྱུང་སྐྱེ་འགག་བཅས་པའོ།། གཅིག་ཏུ་ཆད་པ་མེད་པ་ཡི།། སོ་སོ་རིས་ལྟར་མི་སྣང་བ།། བྱེ་བྲག
iiif viewer powered by OpenSeadragon
