| e-texts navigator |
| Wylie |
195a1 རྟོགས་པ་ཡང་ནི་མི་ནུས་ཏེ།། མཐར་ཕྱིན་ས་ལ་གནས་པ་ཡིན།། སྐྱེས་བུ་ཀྱང་ནི་མཐོང་མ་ཡིན།། མེད་པས་སྟོང་པའི་ཆོས་ཉིད་འདི།། ཡོད་པའི་དངོས་པོ་ཡང་མི་དམིགས།། དམིགས་དང་མི་དམིགས
195a2 ཚིག་ལམ་ཆད།། རྣམ་པར་མི་རྟོག་སྐྱེ་བ་མེད།། གསལ་བས་དུས་མཐའ་མེད་པ་རུ།། མ་ལུས་ཁྱབ་པར་ཀུ་བཙལ་ཡང་།། འདི་ཞེས་བྱ་བའི་དངོས་པོ་ཞིག། མི་རྙེད་རྙེད་པར་མི་འགྱུར་རོ།། མཁས་པས་དུས་མཐའ
195a3 མེད་པ་རུ།། ཤིན་ཏུ་བསྒྲིམས་ཏེ་ཅིར་བརྟགས་ཀྱང་།། གང་འདིར་ཅི་ཡང་མཐོང་བ་མེད།། མགྱོགས་པས་དུས་མཐའ་མེད་པ་རུ།། ཉམ་ཐག་ཆད་པས་བརྒྱུགས་ཀྱང་ནི།། ད་དུང་དེ་ཉིད་དབྱིངས་འདི་ལས། གར་ཡང
195a4 མ་ཕྱིན་ཕྱིན་པ་མེད།། སྐྱེ་མེད་ཆོས་ཀྱི་སྡོང་པོ་ལ།། རྣམ་པ་བཞི་ཡི་ཡན་ལག་གོལ།། བྱང་ཆུབ་བླ་མེད་སྙིང་པོར་སྨིན།། དེ་ནི་ཀུན་འབྱུང་བྱང་ཆུབ་ཤིང་།། འཇུག་པ་དོན་ལ་འདོད་པའི་ཁམས།། མངོན་མེད་འཛིན་པ
195a5 གཟུགས་ཁམས་སོ།། སྣང་མེད་མ་ཆད་གཟུགས་མེད་ཉིད།། གང་དེ་ཆེད་ལས་བྱེད་ལས་འགྱུར།། ཡུལ་དུ་གང་འགྱུར་འཇུག་པ་ཉིད།། གང་ལ་འཇུག་པ་དེ་རྣམས་ཤེས།། དེ་ཡུལ་མུན་པའི་ཁམས་གྱུར་ཀྱང་།། བྱང
195a6 ཆུབ་སེམས་འདི་སྟོང་པར་འགྱུར།། མུན་པའི་ཁམས་སུ་གྱུར་པ་དག། མུན་པའི་འདུ་ཤེས་ཉིད་དུ་འབྱུང་།། མུན་པའི་ཁམས་པས་གང་ཤེས་པ།། ཕྲ་མོའི་ཆ་ཤས་ཙམ་ཡན་ཆད།། གང་འདི་བློ་ཆུང་བྱིས་པ་རྣམས།། ཆེད
iiif viewer powered by OpenSeadragon
