| e-texts navigator |
| Wylie |
194b1 དང་། བསལ་བའི་ཐབས་རྣམས་ལ་མཁས་པར་བྱའོ།། འདི་ལ་ནན་ཏན་དུ་བྱའོ།། གང་མུན་པའི་ཁམས་པ་དག་དང་། ཆ་གཅིག་ཏུ་ཤེས་བྱའོ།། དེ་སྐད་ཅེས་བཀལ་སྩལ་པ་དང་། ཁོ་བོས་འདི་སྐད་ཅེས་གསོལ་ཏོ།།
194b2 བཅོམ་ལྡན་འདས་མུན་པ་འདི་ཅི་ལས་བྱུང་། མུན་པ་འདིའི་རང་བཞིན་ཅི།། མུན་པ་འདིའི་ངོ་བོ་གང་། མུན་པ་འདིའི་མཚན་ཉིད་ཅི། མུན་པ་འདིའི་ཡན་ལག་ཏུ། མུན་པ་འདིའི་རྩ་བ་གང་། མུན་པ་འདི་ཇི་སྲིད
194b3 ཅིག་གནས། མུན་པ་འདིས་ཅི་ལ་སྒྲིབ། མུན་པ་འདིའི་བྱེ་བྲག་ཏུ། མུན་པ་འདི་གང་དང་མཐུན། མུན་པ་འདི་གང་དུ་འཐིབས། མུན་པ་འདི་གང་གི་སེལ། མུན་པ་ཞེས་ཅིའི་ཕྱིར་བགྱི། འདི་ཅི་ཕྱིར་འཐིབས། དྲ་བ
194b4 གང་དུ་འདུས། འདི་བཤད་དུ་གསོལ། བདེ་བར་གཤེགས་པ་འདི་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་དེས་བཀའ་སྩལ་པ། སེམས་དཔའ་ཆེན་པོ་མུན་པ་དང་སྣང་བས་བསྡུས་པའི
194b5 ཆོས་ཐམས་ཅད་ཀྱི་རྩ་བ་ནི་གཞི་དང་རྩ་བ་མེད་པར་འདུས་པར་ཤེས་པར་བྱའོ།། དེ་ལྟར་སྟོན་པའི་མདོ་ནི་འདི་ལྟ་སྟེ། སངས་རྒྱས་བྱང་ཆུབ་འབྱུང་བ་ཡིན།། བསྐྱེད་ཅིང་སྙིང་པོ་དེ་ཉིད་དེ།། པདྨོ་ཁ་འབུས་སྙིང་པོ
194b6 ལྟར།། རྩ་བ་འཁོར་བའི་འདམ་ན་ཡོད།། རྩ་བ་ཐམས་ཅད་འབྱུང་བ་ཡི།། རྩ་བ་མེད་པའི་རྩ་བ་ནི།། ཆོས་རྣམས་ཀུན་གྱི་རྩ་བ་ཡི།། ཁམས་གསུམ་འདི་དག་ཉིད་དུ་འདུས།། ཆོས་འདི་ཟབ་སྟེ་མཐོང་བར་དཀའ།།
iiif viewer powered by OpenSeadragon
